Í Stóru mál­unum þessa vik­una verður rætt um nýaf­staðið próf­kjör Sam­fylk­ing­ar­innar fyrir alþing­is­kosn­ingar, en þær munu fara fram 25. sept­em­ber næst­kom­andi.  Katrín Júl­í­us­dóttir, fyrr­ver­andi vara­for­maður flokks­ins segir til­raun­ina hafa verið góða en hún hafi ekki heppn­ast.

Margir hafa gagn­rýnt þá aðferð sem flokk­ur­inn not­að­ist við í próf­kjör­inu og voru ekki allir sáttir með hana. Alþing­is­mað­ur­inn Ágúst Ólafur Ágústs­son afþakk­aði þriðja sætið á lista flokks­ins í öðru hvoru kjör­dæmum Reykja­víkur. Þá hætti Jóhanna Vigdís Guð­munds­dóttir, vara­þing­maður Sam­fylk­ing­ar­innar, í flokknum eftir próf­kjörið.

Gestir Stóru mál­anna að þessu sinni eru þau Katrín Júl­í­us­dóttir, fram­kvæmda­stjóri félags fjár­mála­fyr­ir­tækja, fyrr­ver­andi vara­for­maður Sam­fylk­ing­ar­innar og fyrr­ver­andi ráð­herra og Andrés Magn­ús­son, full­trúi rit­stjóra Morg­un­blaðs­ins, en hann skrif­aði ítar­lega grein í Morg­un­blaðið um próf­kjörið.

Katrín segir að próf­kjörið hafi verið góð til­raun, en að hún hafi hins vegar ekki alveg heppn­ast. „Þetta var að mörgu leyti góð til­raun, en heppn­að­ist ekki alveg. Þetta byrj­aði vel, þessi 50 manna hópur, það kom smá stuð í mann og manni fannst þetta dálítið gaman. Maður fór að skoða þetta fólk og það var bara gaman að sjá svona mikið af and­litum, sama í hvaða flokki það er, sem eru bara til­búin að taka þátt í stjórn­mála­bar­áttu. Græs­rætur flokk­ana hafa bara verið að minnka. Það gaf manni svo­lítið von um að það væri stuð fram undan og þetta yrði líka svona hjá fleiri flokkum og smá fjör.“ 

Þá segir Katrín að aðferðin sem Sam­fylk­ingin not­að­ist við hafi ekki verið góð fyrir sitj­andi þing­menn flokks­ins, en að hún hafi hins vegar verið góð fyrir nýliðun innan flokks­ins.

„En þegar þú ferð að nota þessa aðferð, að vera með könnun þar sem þú merkir ekki sæti heldur ert að nefna fólk, þá er það mjög gjarnan þannig að sitj­andi þing­menn sem eru orðnir umdeildir, að þá er það lík­legra að þeir verða ekki endi­lega efstir í svona könnun. Það er ekk­ert óeðli­legt við það, ef fólk væri að raða, þá myndi það raða öðru­vísi. Þetta er mjög góð leið til að kalla fram nýliðun og sækja nýtt fólk. Ég held að það hafi verið hug­myndin, að þau ætl­uðu að nýta þetta sem vís­bend­ingar. En svo fer þetta að leka og fór svo eins og þetta fór.“

Þáttinn í heild sinni má sjá hér að ofan.