***
Fyrri aukaspurning:
Hvaða mynd er þetta hér að ofan?
***
Aðalspurning:
1. Montesúma eða Moktesúma hét kóngur einn sem ríkti yfir þjóð einni fyrir fimm hundruð árum en var þá steypt af stóli af innrásarþjóð. Yfir hvaða þjóð ríkti hann?
2. Hvað hét norska eyjan þar sem fjöldamorð voru framin fyrir áratug?
3. Hvað heitir gítarleikarinn í hljómsveitinni Led Zeppelin?
4. Dolores O'Riordan hét einstaklega hæfileikarík írsk söngkona og tónlistarmaður sem lést langt fyrir aldur fram fyrir þrem árum, aðeins 46 ára. Frá 1990 var hún meðlimur í vinsælli hljómsveit frá heimalandinu en lét líka að sér kveða upp á eigin spýtur. Eitt vinsælasta lag hennar hét Ordinary Day. En hvað hét hljómsveitin sem hún söng með?
5. Matthías Jochumsson var lengi prestur á Akureyri og er oft kenndur við þann stað. En hann var um tíma prestur á fornu höfuðbýli á Suðurlandi. Hver var sá bær?
6. Mark Zuckerberg er einn af ríkustu mönnum heims. Auður hans grundvallast á fyrirtæki sem hann kom á laggirnar og rekur enn. Það heitir ...?
7. „Drjúg eru ...“ hver?
8. Hvaða vinsæla kvikmynd gerist á tungli reikistjörnunnar Pandóru?
9. Ein uglutegund verpir hér á landi að staðaldri. Hvaða tegund er það?
10. Undir hvaða nafni er Steinþór Hróar Steinþórsson þekktastur?
***
Seinni aukaspurning:
Hvaða íslenskan fjörð má sjá hér?
***
Svör við aðalspurningum:
1. Astekum.
2. Útey.
3. Jimmy Page.
4. Cranberries.
5. Oddi.
6. Facebook.
7. Morgunverkin.
8. Avatar.
9. Brandugla. Önnur uglutegund á til að verpa hér en mun sjaldnar.
10. Steindi.
***
Svör við aukaspurningum:
Efri mynd prýðir albúm einnar þekktustu sólóplötu Bubba Morthens, Konu.
Seinni aukaspurning:
Á neðri myndinni má sjá Reyðarfjörð og er myndin tekin úr mikilli hæð yfir Austfjörðum. Örlítið víðara sjónarhorn má sjá hér til hliðar.
***
Athugasemdir