***
Fyrri aukaspurning:
Hvað heitir sú jurt er prýðir myndina hér að ofan?
***
Aðalspurningar:
1. Bandarísk skáldkona er kunn fyrir ljóð sín en einnig skáldsöguna Bell Jar, eða Glerhjálm. Hún svipti sig lífi aðeins þrítug að aldri. Hvað hét hún?
2. Í Kákasus-fjöllum eru þrjú lítil lönd milli Rússlands í norðri og Tyrklands og Írans í norðri. Hvað heita þau? Hér verðið þið að hafa tvö rétt til að fá stig fyrir spurninguna.
3. Í júlí 1881 var vígt hús eitt í Reykjavík. Smíðin hafði tekið eitt ár, ekki var það nú meira. Hvaða hús var þetta?
4. Hvað var raunverulegt eftirnafn rússneska byltingarleiðtogans Leníns?
5. Hvar er borgin Sevastopol? Hér dugir ekki nafn á ríki, heldur verður svarið að vera nákvæmara en það.
6. Hver skóp einkaspæjarann Hercule Poirot?
7. Gríska fornhetjan Herkúles þurfti að vinna tólf erfiðar þrautir í refsingarskyni fyrir glæp. Þrautirnar fólust flestar í að drepa hin og þessi skrímsli en ein þrautin gekk þó út á að hin mikla hetja þurfti að hreinsa svolítið. Hvað var það sem Herkúles hreinsaði?
8. Camp Knox — hvað var það?
9. En Fort Knox — hvað er geymt þar?
10. Hver rakaði af sér allt hárið í febrúar 2007 þannig að það varð frétt um víða veröld?
***
Seinni aukaspurning:
Hvað heitir sú glaðlega hljómsveit sem hér sést að neðan?
***
Svör við aðalspurningum:
1. Sylvia Plath. Innsláttarvilla var í nafni skáldkonunnar fram eftir morgni, en rétt er nafnið svona.
2. Georgía, Armenía og Aserbædjan.
3. Alþingishúsið.
4. Ulyanov.
5. Á Krímskaga.
6. Agatha Christie.
7. Fjós, flór.
8. Braggahverfi í Reykjavík. Sjálfsagt eru einhvers staðar til einhverjir aðrir Camp Knox en hér er þó aðeins gefið rétt fyrir braggahverfið.
9. Gull.
10. Britney Spears.
***
Svör við aukaspurningum:
Á efri myndinni er sjálft þjóðarblómið, holtasóley.
Á neðri myndinni er gleðihljómsveitin The Who.
***
Athugasemdir