Hérna sjáiði 300. spurningaþrautina, sem birtist í gær.

***

Aukaspurning sú hin fyrri að þessu sinni:

Hver er karlinn hér að ofan?

***

Aðalspurningar:

1.   Árið 1997 stofnuðu þeir Reed Hastings og Marc Randolph fyrirtæki í Kaliforníu í Bandaríkjunum. Fyrstu árin bar ekki mjög mikið á fyrirtækinu en það óx og dafnaði og síðasta áratuginn er það orðið risavaxið og óhætt að segja að allir — eða nánast allir — þekkja það að minnsta kosti af afspurn. Hvað heitir fyrirtækið þeirra Hastings og Randolphs?

2.   Hvað heitir höfuðborgin í Norður-Kóreu?

3.   Hver var annar í röðinni af forsetum Bandaríkjanna?

4.   Hver málaði frægustu útgáfuna af síðustu kvöldmáltíðinni?

5.   Norsk leikkona lék á sínum mörg af sínum frægustu hlutverkum í sænskum bíómyndum og sjónvarpsmyndum og sá kunni leikstjóri Ingmar Bergman leikstýrði tíu þeirra. Þar á meðal voru Persona, Viskningar och rop, Ansikte mot ansikte og Höstsonatan. Hvað heitir leikkonan?

6.   Önnur fræg norsk kona heitir Siv Jensen. Hún er umdeildur stjórnmálamaður, var fjármálaráðherra Noregs frá 2013 þangað til í fyrra þegar flokkur hennar dró sig úr ríkisstjórn. Hún er reyndar formaður í þessum flokki, hvað heitir flokkurinn?

7.   Tinkí Vinkí, Dipsí, Lala og ... hver?

8.   Hver sá um þáttinn Stiklur í Ríkissjónvarpinu árum saman?

9.   Hvaða fótboltalið hefur oftast orðið Íslandsmeistari í karlaflokki?

10.   Einn af helstu ráðamönnum Þriðja ríkis Hitlers var arkitekt sem var í miklum metum hjá Foringjanum. Arkitektinn stýrði síðan hergagnaframleiðslu Þjóðverja og þótti ná ótrúlegum góðum árangri. Eftir stríðið vakti hann mikla athygli vegna þess að hann var sá eini af forsprökkum nasista sem sýndi einhver iðrunarmerki yfir framferði sínu, þótt deilt sé um hve djúpt sú iðrun risti. Hvað hét þessi maður?

***

Síðari aukaspurning:

Úr hvaða frægu bíómynd er þetta skjáskot hér að neðan?

***

Svör við aðalspurningum:

1.   Netflix.

2.   Pjongjang.

3.   Adams.

4.   Leonardo.

5.   Liv Ullmann.

6.   Framfaraflokkurinn.

7.   Pó.

8.   Ómar Ragnarsson.

9.   KR.

10.   Speer.

***

Svör við aukaspurningum:

Á efri myndinni Humphrey Bogart.

Á neðri myndinni má sjá skot úr myndinni Brokeback Mountain.

***

Og hér er aftur hlekkur á þrautina síðan í gær.