Innsetningar, djass og afmæli

Margt er á döf­inni í menn­ing­ar­líf­inu næstu vikur. Athugið að tíma­setn­ingar gætu breyst með stuttum fyr­ir­vara vegna almanna­varna og að áhorf­endur þurfa að virða fjölda­tak­mark­anir.

Of the North

Hvar? Lista­safn Íslands
Hvenær? Til 9. jan­úar 2022
Aðgangs­eyrir: 2.000 kr.

Þessi risa­stóra víd­eóinn­setn­ing eftir Steinu Vasulku var upp­runa­lega sýnd árið 2001, en í því fangar hún nátt­úru Íslands, yfir­borð þess og það sem skoða má í smá­sjá. Örverur jafnt sem brim hafs­ins og bráðn­andi ís, berg­hrun ásamt margs konar nátt­úru­fyr­ir­bærum sem snerta jarð­myndun og nið­ur­brot á plánet­unni okkar. Verkið vísar jafn­framt út í geim­inn þar sem sjá má hnatt­laga kúl­urnar snú­ast um ímynd­aðan ás í seið­andi rytma með öllum þeim hljóðum sem fylgja. Hreyfitakt­ur­inn og orkan fram­kallar mynd­lík­ingu sem getur leitt huga áhorf­and­ans í margar áttir, hvort heldur er að stór­brot­inni feg­urð eða jarð­bundnum hug­leið­ingum um við­kvæma nátt­úru og for­gengi­leika jarð­ar­innar. 

Sölumaður deyr

Hvar? Borg­ar­leik­húsið
Hvenær? 20. feb. til 6. mars
Aðgangs­eyrir: frá 6.500 kr.

Sölu­maður deyr (e. Death of a Salesman) eftir Arthur Miller er harm­ræn saga um hrun sjálfs­myndar. Saga fórn­ar­lambs hins vægð­ar­lausa amer­íska draums um árangur og fjár­hags­lega vel­megun, um glæst og áhyggju­laust líf. Verkið var frum­sýnt árið 1949 og hlaut hin virtu Pulizerverðlaun sama ár.

Múlinn jazzklúbbur

Hvar? Harpa
Hvenær? 24. feb. & 3. mars kl. 20.00
Aðgangs­eyrir: 3.000 kr.

Djass­hóp­ur­inn Múlinn hefur verið að í tólf ár, en upp á síðkastið hefur hann komið fram í Flóa, sal Hörpu þar sem er nóg pláss og auð­velt að virða fjar­lægð­ar­mörk. Tveir tón­leikar fara fram á næst­unni; á þeim fyrri kemur kvar­tett Sigurðar Flosa­sonar fram og spilar Charlie Parker, á þeim seinni spilar kvin­tett Andrésar Þórs.

Páll Óskar 50 ára

Hvar? Háskóla­bíó
Hvenær? 4., 5. & 6. mars kl. 20.00
Aðgangs­eyrir: Frá 9.900 kr.

Páll Óskar, popp­kon­ungur Íslands, fagnar hálfrar aldar afmæli sínu með þrennum tón­leikum. Páll hefur verið í fram­línu íslenskra söngv­ara um ára­tuga skeið, eða síðan hann tók þátt í Söngvakeppni fram­halds­skól­anna árið 1990. Búast má við því að hann fari víða á þessum tón­leikum og spili lög víðs vegar úr ferli sínum.

Hafnarfjörður

Hvar? Hafn­ar­borg
Hvenær? Til 7. mars
Aðgangs­eyrir: Ókeypis!

Þessi sýn­ing sam­anstendur af verkum úr saf­n­eign Hafn­ar­borgar þar sem Hafn­ar­fjörður sjálfur er við­fangs­efnið. Meðferð lista­mann­anna á við­fangs­efn­inu er hefð­bundin, fígúra­tíf nálgun þar sem þekkja má fyr­ir­mynd­ina úr veru­leik­anum. Verkin eru frá þess­ari og síð­ustu öld, frá lands­frægum og minna þekktum lista­mönnum.

Gosi

Hvar? Borg­ar­leik­húsið
Hvenær? Til 14. mars
Aðgangs­eyrir: 4.200 kr.

Fjöl­skyldu­verkið Gosi ætti að vera öllum vel kunn­ugt, en það fjallar um sam­nefndan talandi spýtu­strák. Gosi heldur á vit ævin­týr­anna í stað þess að hlýða föður sínum. Sýningin hlaut Grímu­verð­laun 2020 fyrir barna­sýn­ingu árs­ins.

Berangur

Hvar? Lista­safn Íslands
Hvenær? Til 25. apríl
Aðgangs­eyrir: 2.000 kr.

Þessi sýn­ing ein­blínir á lands­lags­mál­verk Georgs Guðna frá síð­ustu starfs­árum hans. Verkin eru máluð á Berangri, sem var heim­ili og vinnu­stofa lista­manns­ins síð­ustu árin hans, en þau byggja á næmu skyn­bragði og upp­lif­unum Georgs gagn­vart umhverfi sínu; jafnt frammi fyrir hraunkarla­legum og veð­ur­börðum harð­bal­anum, sem stríðum nátt­úru­öfl­unum allt um kring.

WERK - Labor move

Hvar? Hafn­ar­húsið
Hvenær? Til 9. maí
Aðgangs­eyrir: 1.880 kr.

Hulda Rós Guðna­dóttir beinir sjónum að sam­fé­lags­legum við­fangs­efnum og alþjóða­hag­kerf­inu í þess­ari stað­bundnu inn­setn­ingu. Verkið sam­anstendur af þriggja rása kvik­mynda­verk­inu Labor Move, skúlp­t­úrum er bein­tengj­ast kvik­mynda­verk­inu, og mynd­bands­upp­töku af vinnu við sam­setn­ingu skúlp­t­úr­anna í salnum sjálfum í aðdrag­anda sýn­ing­ar­opn­unar.

Dýrslegur kraftur

Hvar? Hafn­ar­húsið
Hvenær? Til 30. maí
Aðgangs­eyrir: 1.880 kr.

Á þess­ari sam­sýn­ingu eru verk fimmtán lista­manna pöruð saman við verk Errós. Verkin eru fjöl­breytt og vísa og end­ur­spegla á einn eða annan hátt í þá fjöl­mörgu miðla sem Erró er þekktur fyrir og þann frjóa og kraft­mikla hug­mynda­heim sem birt­ist áhorf­endum í verkum hans.