Nú, hér er þá hlekkurinn á þrautina frá í gær!

***

Fyrri aukaspurning:

Hvar er myndin hér að ofan tekin?

***

Aðalspurningar:

1.  Simpansar og bónóbó-apar eru þeir apar sem skyldastir eru okkur manninum, og síðan górillur og órangútan. En hvaða apategund er skyldust okkur fyrir utan þessar fjórar?

2.   Í hvaða ríki heitir forsetinn Obrador um þessar mundir?

3.   Hvað hét fyrsti Íslendingurinn sem gegndi embætti stiftamtmanns?

4.   Hvaða hljómsveit sendi frá sér lagið A Whiter Shade of Pale fyrir rúmri hálfri öld?

5.   Í hvaða borg er Alhambra?

6.   Hversu mörg sjálfstæð ríki liggja að Svartahafi?

7.   Hver var stærsti og merkasti hluturinn sem fannst við Sutton Hoo?

8.   Hversu margar fullgildar reikistjörnur snúast um Sólina okkar?

9.   Nokkurn veginn hversu margar eru fæðingar á Íslandi á ári: 2.400 — 3.400 — 4.400 — 5.400 — 6.400 — eða 7.400?

10.   Hvað er til húsa við Efstaleiti 1 í Reyjavík?

***

Seinni aukaspurning:

Í hvaða borg er þessi alkunna kirkja, sem sjá má á myndinni hér að neðan?

***

Svör við aðalspurningum:

1.   Gibbon-apar.

2.   Mexíkó.

3.   Ólafur Stefánsson. Hann er stundum kallaður Ólafur Stephensen, svo ég ætla að gefa rétt fyrir það líka.

4.   Procol Harum. Sjá hér.

5.   Granada.

6.   Sex: Tyrkland, Búlgaría, Rúmenía, Úkraína, Rússland, Georgía. Það munar litlu að Moldova nái til sjávar en nógu miklu til að landið telst ekki með.

7.   Skip.

8.   Átta.

9.  4.400. Árið 2019 voru fæðingar 4.452.

10.   Ríkisútvarpið.

***

Svör við aukaspurningum:

Efri myndin er tekin á Falklandseyjum 1983 þegar Thatcher fór þangað í heimsókn.

Neðri myndin er tekin í borginni Pisa á Ítalíu. Á myndinni hér til hlið má betur sjá hinn víðfræga klukkuturn kirkjunnar góðu. 

***

Og aftur hlekkur á þrautina frá í gær.