***
Fyrri aukaspurning:
Þetta var nú aldeilis frægt fólk hér á árum áður. Hvaða fólk er þetta sem þarna hefur lokið við hádegisverð í New York rétt upp úr 1970? Og já, þið þurfið að nefna þau bæði.
***
1. Allir vita að himinninn er blár en þegar sólin er að setjast á vesturhimninum, þá verður svæðið í kringum sólina gjarnan bleikt eða rautt. En á einum fjarlægum stað er þetta raunar þveröfugt. Himinninn er þar yfirleitt rauðleitur en verður blár kringum sólina er hún sest. Hvaða staður er þetta?
2. Í bandarísku fulltrúadeildinni situr fjöldi þingmanna. Nokkrir fulltrúar sitja þar án atkvæðisréttar — fulltrúar annarra svæða en hinna hefðbundnu ríkja — en hve margir eru hinir fullgildu fulltrúar þegar hvert sæti er skipað? Hér er gefið svigrúm upp á 15 þingmenn til eða frá.
3. Með hvaða tríói söng Helgi Pétursson lengi?
4. Hver skrifaði skáldsöguna Morðið í Austurlandahraðlestinni árið 1934?
5. Tveimur árum áður kom út önnur bók um morð og ódæði í Austurlandahraðlestinni sem enskur höfundur skrifaði. Stamboul Train hét sú bók. Höfundurinn þótti með skárri höfundum á Englandi á 20. öld, þótt nú séu bækur þessa höfundar líklega ekki mikið lesnar. Það eru verk eins og Okkar maður í Havana, Hægláti Ameríkumaðurinn, Brighton Rock. Hvað hét þessi höfundur?
6. Hvað heitir það ferli sem plöntur nota til að vinna sér fæðu úr sólarbirtu?
7. Nicomar-eyjar heitir lítill og afskekktur eyjaklasi í Indlandshafi, beint í suður af Andaman-eyjum. Þar hefur fólk búið frá örófi en um 1750 komu útsendarar frá Evrópuríki einu og gerðu Nicomar-eyjar að útibúi lítillar nýlendu sem þetta Evrópuríki átti á austurströnd Indlands og hét þá Trankebar. Meðan þetta ónefnda ríki réði eyjunum kölluðust þær Friðrikseyjar. Um miðjan nítjándu öld voru engir íbúar eftir, enda hafði malaría geisað stjórnlaust á eyjunum. Bretland tók þá við eyjunum af fyrrnefndu Evrópuríki sem var fegið að losna við þær. Hvaða ríki réði þessum eyjum í rúm 100 ár?
8. Tveir íslenskir karlar hafa verið á mála hjá enska fótboltaliðinu Liverpool — fullorðinsliðinu — þótt hvorugur hafi náð svo langt að leika fyrir aðallið félagsins. Nefnið annan þeirra.
9. Hvað hét ferjan sem fór milli Reykjavíkur og Akraness?
10. Í hvaða borg er sívali turn?
***
Seinni aukaspurning:
Úr hvaða kvikmynd er myndin hér að neðan?
***
Svör við aðalspurningum:
1. Á reikistjörnunni Mars.
2. Þingmennirnir eru 435 svo rétt er allt frá 420 til 450.
3. Ríó tríóinu.
4. Agatha Christie.
5. Graham Greene.
6. Ljóstillífun.
7. Danmörk.
8. Haukur Ingi Guðnason og Guðlaugur Victor Pálsson.
9. Akraborg.
10. Kaupmannahöfn.
***
Svör við aukaspurningum:
Á efri myndinni eru Andy Warhol listamaður og Bianca Jagger baráttukona og frægðarfrú.
Neðri myndinni eru myndinni Frozen.
***
Spurningaþrautin
Fyrri grein
285 spurningaþraut: Hvar situr tennō, við hvern deildi Daði í Snóksdal?
Næsta grein
Athugasemdir