Ísland fellur á spillingarlista

Transparency International, alþjóð­leg sam­tök gegn spill­ingu, birtu nýlega nið­ur­stöður mæl­inga á spill­ingu meðal 180 þjóða fyrir árið 2020. Mælingin nær til spill­ingar í opin­bera geir­anum og Ísland situr nú í 17. sæti, sex sætum neðar en árið 2019 og neðst allra Norð­ur­land­anna. 

Samkvæmt sam­tök­unum njóta mæl­ingar þeirra á spill­ingu við­ur­kenn­ingar á alþjóða­vett­vangi. Samtökin voru stofnuð árið 1992 og hafa lengi vel verið ein áhrifa­rík­ustu sam­tökin sem vinna að heil­indum í stjórn­málum, stjórn­sýslu og við­skipta­lífi hvar­vetna í heim­inum.

Marktækur munur á spillingu á Íslandi milli ára

Árni Múli Jónasson, fram­kvæmda­stjóri íslenska úti­bús sam­tak­anna, segir að mark­tækur munur sé á stöðu Íslands í ár miðað við árið í fyrra. „Við vorum í ell­efta sæti í fyrra og sam­kvæmt mæli­kvarð­anum núna höfum við farið neðar, enda hefur stiga­fjöldi minnkað á milli ára. Það voru 78 stig sem Ísland fékk í fyrra og nú erum við komin í 75 stig, sem er mark­tækur munur, og Ísland hefur farið enn neðar á list­anum og var í 17. sæti á þeim lista sem var birtur í morgun,“ segir Árni. 

Munurinn sé þá veru­legur sé litið lengra aftur í tím­ann. „Það sem hefur gerst hjá okkur á Íslandi er að það var ekki fyrir svo löngu síðan að álit Íslend­inga og mjög margra að Ísland væri mjög lítið spillt land. Ísland skor­aði mjög hátt og var yfir­leitt í hópi þess­ara nor­rænu ríkja sem hafa raðað sér einna efst á þessum lista en síðan hefur þró­unin verið á verri veg,“ segir hann. 

Líta þróunina alvarlegum augum

Samtökin líta þró­un­ina alvar­legum augum. „Að okkar mati er þarna þróun í gangi sem er fullt til­efni til að taka mjög alvar­lega og er vís­bend­ing um að hlut­irnir séu ekki í nógu góðu lagi að þessu leyti og spill­ing­ar­varnir og það sem er gert sé ekki nógu mikið,“ útskýrir hann. 

Samkvæmt Transparency International hefur ímynd Íslands sem land laust við spill­ingu tekið dýfu niður á við í kjöl­far banka­hruns­ins, Panama­skjal­anna og Sam­herj­a­skjal­anna.