Hér er þraut frá í gær, já.

***

Aukaspurningin fyrri:

Skoðið vandlega myndina hér að ofan. Hver er karlinn sem hér er verið að handtaka?

***

Aðalspurningar:

1.   Hvað hét leikarinn sem lék Mafíubófann Tony Soprano í sjónvarpsþáttaröð um hann og fjölskyldu hans?

2.   Hver er lengsti fjallgarður í heimi?

3.   Í tveimur borgum á Vesturlöndum eru hverfi sem kallast Soho. Hverjar eru borgirnar?

4.   Hver skrifaði bókina Fólkið í kjallaranum og fékk fyrir Íslensku bókmenntaverðlaunin.

5.   Hann fæddist árið 1873 í ítölsku borginni Napólí og dó þar í borg líka, ekki nema 48 ára árið 1921. Þess á milli ferðaðist hann um heiminn og óhætt er að segja að hann hafi lagt þann sama heim að fótum sér. Hann var fastagestur í helstu heimsborgum Vesturlanda og naut alls staðar einróma aðdáunar. Hann naut líka góðs af nýrri tækni við að breiða út orðspor sitt og frægð. Hvað hét þessi ástríðufulli maður?

6.   Í hvaða landi er forsetinn Musaveni?

7.   Cous-cous eða kús-kús réttir af ýmsu tagi eru vinsælir, ekki síst í Norður-Afríku. Kús-kúsið gegnir þá svipuðu hlutverki og kartöflur eða hrísgrjón í öðrum heimshlutum. En úr hverju er kús-kúsið sjálft?

8.   Rosalind Franklin hét kona ein á Englandi sem átti mikinn þátt í að efla skilning vísindamanna á fyrirbæri einu og olli starf hennar — og fleiri vísindamanna — sannkallaðri byltingu í vísindum 20. aldar. Hún dó aðeins 37 ára áður en mikilvægi uppgötvana hennar komst að fullu fram í dagsljósið og síðan olli landlæg karlremba því að hlutur hennar var lengi fyrir borð borinn, en tveimur körlum hampað mjög fyrir uppgötvun þessa fyrirbæris. Hvaða fyribæri var þetta?

9.   Hvers konar dýr er kapall?

10.   Donald Trump Bandaríkjaforseti hefur að sögn vart sinnt starfi sínu síðan hann tapaði forsetakosningunum í byrjun nóvember, heldur einbeitt sér að samsæriskenningum um kosningasvik. Á einu og aðeins einu sviði hefur hann þó sýnt mikinn dug, því hann beitti sér fyrir því að ríkið tæki aldeilis á sig óvæntan rögg við sérstakar og mjög svo umdeildar athafnir sem hingað til hafa verið látnar kyrrar liggja á tímabili milli forsetaskipta. Hvað er hér um að ræða? 

***

Aukaspurning sú hin seinni:

Sjaldgæft var að sjá konur á grafhýsi Leníns þar sem helstu menn Sovétríkjanna komu saman á hátíðisdögum. Hvað hafði sú kona, sem sést til vinstri á myndinni hér að neðan, unnið til þess árið 1963 að fá að stilla sér þar upp ásamt Nikta Krústjov?

***

Svör við aðalspurningum:

1.   Gandolfini.

2.   Andesfjöll.

3.   London og New York.

4.   Auður Jónsdóttir.

5.   Caruso óperusöngvari.

6.   Úganda.

7.   Hveiti.

8.   DNA.

9.   Hryssa.

10.   Aftökur

***

Svör við aukaspurningum:

Efri myndin sýnir handtöku Martin Luther Kingsþ

Neðri myndin sýnir fyrstu konuna sem fór út í geiminn. Hún heitir Valentina Tereshkova en ekki er nauðsynlegt að þekkja nafn hennar í þetta sinn.

***

Hér er svo þraut frá í gær, já.