Góðan dag! Hér er þraut gærdagsins.
***
Aukaspurning sú hin fyrri:
Á myndinni hér að ofan má sjá stærsta orrustuskip sem smíðað hefur verið, 70.000 tonna tröll, sem var á ferðinni í síðari heimsstyrjöld. Það bar níu 46 sentimetra hlaupvíðar byssur að aðalvopnum. Hvaða ríki lét smíða þetta skrímsli?
***
Aðalspurningar:
1. Hvað heitir Seðlabankastjóri?
2. Um mánaðamótin maí/júní september 1916 var háð ein mesta sjóorrusta sögunnar, þegar tveir risastórir orrustuflotar tókust á. Úrslit voru ekki afgerandi þar sem annar flotinn sneri undan, þegar útlitin var fyrir hrakfarir hans. En hvað kallast þessi orrusta? Við hvaða stað er hún sem sé kennd?
3. Í hvaða landi er Athos-fjall, þar sem munkar hafa lengi haldið til?
4. Hvers konar fyrirbæri er banani í skilningi grasafræðinnar, nokkuð nákvæmlega tilgreint?
5. Mikhaíl Tal hét Letti einn, sem nú er látinn fyrir tæpum 30 árum. Tal þótti mikill afreksmaður á tilteknu sviði og var meira að segja heimsmeistari í þeirri grein um tíma. Hvaða grein var það?
6. Hvaða fjall gaus árið 79 eftir Krist og færði nokkrar borgir á kaf í ösku?
7. Frakkar eru aftarlega á merinni þegar að því kemur að treysta konum fyrir háum embættum. Engin kona hefur orðið forseti þar í landi og aðeins einu sinni hefur kona verið forsætisráðherra. Sú gegndi embættinu í aðeins um eitt ár 1991-1992. Hvað heitir kona sú?
8. Önnur kona, einnig frönsk, var fræg kvikmyndastjarna og kynbomba en lagði leiklistina á hilluna og helgaði sig dýravernd. Þessar tvær konur eru reyndar jafngamlar, báðar 86 ára í ár. Hvað heitir kvikmyndastjarnan fyrrverandi?
9. „Sárt ert þú leikinn, Sámur fóstri,“ sagði Gunnar á Hlíðarenda. Hver var Sámur fóstri hans?
10. Hvað heitir vinsæl sjálfsævisaga Michelle Obama, sem hún skrifaði reyndar með dyggri aðstoð svokallaðs „draugahöfundar“? Nefna má hvort heldur íslenskt eða enskt heiti bókarinnar?
***
Síðari aukaspurning:
Ef þessi kona væri enn á lífi héldi hún í dag upp á 505 ára afmælið sitt, því hún fæddist 22. september 1515. Hún hét Anna og er ein þeirra kvenna sem eru þekktastar fyrir eiginmann sinn. Hver var sá?
***
Svör við aðalspurningum:
1. Ásgeir Jónsson.
2. Jótland (Skagerak telst einnig rétt).
3. Grikkland.
4. Ber. „Ávöxtur“ er ekki fullnægjandi svar.
5. Skák.
6. Vesúvíus.
7. Edith Cresson.
8. Brigitte Bardot.
9. Hundurinn hans.
10. Becoming heitir bókin á ensku, Verðandi í íslenskri þýðingu.
***
Svör við aukaspurningum:
Á efri myndinni er orrustuskipið Yamato á fullri ferð. Það var smíðað í Japan.
Og Anna hertogadóttir frá Klifum (Kleve) í Þýskalandi var fjórða eiginkona Hinriks 8. Englandskonungs.
***
Spurningaþrautin
Fyrri grein
148. spurningaþraut: Hvað hét sonurinn, sem Abraham átti að fórna, drottni til dýrðar?
Næsta grein
Athugasemdir