Hvað er hamingjan í huga þínum?

Í huga mínum er ham­ingjan ekki bara einn hlutur eða ein til­finn­ing. Ham­ingjan er hjá manni sjálfum og það er eng­inn annar sem býr til ham­ingj­una fyrir mann.

Hamingja er oft hug­ar­á­stand og þegar maður er ham­ingju­samur sér maður feg­urð­ina og ást­ina sem umlykur mann og ham­ingjan verður meiri og sterk­ari.

Anna Steinunn Jóns­dóttir

Ég held að það sé frá­bært að geta vaknað á hverjum morgni og ákveðið að vera ham­ingju­samur.

Mín mesta ham­ingja er að sjá börnin mín og barna­börn verða ham­ingju­samir og heil­brigðir ein­stak­lingar og felst ham­ingja mín í góðu og ást­ríku sam­bandi við þau.

Að fylgja inn­sæ­inu færir mér þá ham­ingju sem er sér­sniðin fyrir mig. Daglega hlusta ég á inn­sæið mitt til að vita hvað ég vil. Ég fylgist með líðan, til­finn­ingum og hugs­unum og veit að „það sem er gott er gott“ og „það sem er vont er vont“. Sem dæmi, ef mér líður vel í sam­skiptum við mann­eskju þá vel ég að hitta hana aftur (það er „gott“) og ef mér líður óþægi­lega í sam­skiptum við mann­eskju, þá dreg ég úr sam­skipt­unum (það er „vont“). Þannig færi ég mark­visst það sem er gott inn í líf mitt til að vera ham­ingju­söm.

Fyrir mér felst ham­ingjan í því að vera sáttur í eigin skinni, koma vel fram við sjálfan sig og aðra og læra að líta á lífið sem eina stóra veg­ferð. Alveg eins og stjörn­u­rnar njóta sín ekki nema fyrir til­stuðlan myrk­urs­ins, finnst mér hindr­anir í líf­inu geta verið stór hluti í því að skapa ham­ingju seinna meir, með því að sýna okkur eitt­hvað sem við vorum ann­ars ekki með­vituð um. Fyrir mér felst ham­ingjan í því að kunna að meta lífs­reynsl­una og minn­ing­arnar, þær góðu en líka þær sem eru ekki eins góðar, því það hefur allt mótað mig.

Ham­ingjan er ynd­is­leg vellíðan sem teng­ist and­legu ástandi. Ham­ingjan er kafla­skipt og eru kafl­arnir eðli­lega mis­langir.

Ham­ingj­una finn ég sjálf meðal ann­ars úti í nátt­úr­unni með skynjun lita, lyktar og hljóðs, enda hef ég lagt áherslu á að mála mál­verk sem gleðja.

Hamingja teng­ist því að taka við vænt­um­þykju og ást frá fólk­inu sínu og með að virða/elska jörð­ina okkar og öll dýr sem og að hlusta á almættið. Ham­ingjan teng­ist líka því að gefa og kunna að þiggja.

Ver­ald­leg gæði eru hverful og því er heilla­væn­legt að hlúa að öllu lif­andi með þakk­læti og ekki taka góðri heilsu sem sjálf­sögðum hlut.

Hamingja er ástand sem þarf að rækta og við­halda, eins og jörð­ina okkar, og það þarf að grípa feg­urð­ina í öllu lif­andi.

Að vera ham­ingju­samur er eilífð­ar­verk­efni. Ham­ingjan kemur og fer eftir því hvað maður leggur á sig til að öðl­ast hana. Ef maður nær að lifa í sátt við sig og sínar ákvarð­anir eykur það ham­ingj­una.

Hamingja felst í því að leysa verk­efni. Að gef­ast ekki upp þó að maður lendi á vegg. Ég er ham­ingju­söm­ust þega mér tekst að láta hug­mynd verða að veru­leika. Önnur ham­ingja felst svo í lík­am­legri áreynslu og ég hef gaman af því að reyna á þol­mörkin því það er svo góð til­finn­ing eftir á. Mesta ham­ingjan er samt lík­lega að geta deilt raunum sínum, góðum og slæmum, með mann­eskju sem maður elskar.