Hér er þrautin frá í gær. Voruði búin með hana?

Aukaspurningar:

Í hvaða borg er efri myndin tekin?

Og á neðri myndinni - hvaða myndlistarmaður á þá hönd neðst til vinstri sem málar nú náttúruna í svo sterkum og öflugum litum?

En hér eru aðalspurningar:

1.   Hvaða fótboltalið á Englandi leikur heimaleiki sína á King Power vellinum?

2.   Hvað heitir hæsta fjall á Jörðinni?

3.   Hver skrifaði bókina Afleggjarann?

4.   Í hvaða landi var Enver Hoxha lengi einn helsti valdakúkur?

5.   Hollywood er eins konar samheiti yfir ameríska kvikmyndaiðnaðinn og Bollywood er á sama hátt notað um bíóbransann á Indlandi. En hvar er Lollywood?

6.   Við hvaða vatn er frægt virki frá fornöld sem Masada heitir?

7.   Sagt er að Bítillinn John Lennon hafi kynnst japönsku listakonunni Yoko Ono þegar hann fór á sýningu hennar og þurfti að klifra upp stiga og rýna með stækkunargleri til að sjá hvaða orð hafði verið skrifað efst á vegg. Hvaða orð stóð þar skrifað?

8.   PT 109 hét hraðbátur bandarískra flotans í síðari heimsstyrjöld, sem sökk í átökum við Japani en skipstjóri bátsins þótti vinna þrekvirki við að bjarga þeim sem lifðu af áhöfninni. Atvikið átti sinn þátt í að efla orðstír skipstjórans fyrir hetjulund og þolgæði sem kom honum að góðum notum síðar. Hvað hét skipstjórinn?

9.   Hvað hét Tyrkja-Gudda fullu nafni?

10.   Robert Pattinson heitir hálffertugur breskur leikari sem sló í gegn fyrir áratug eða rúmlega það í hlutverki vampírunnar Edward Cullen í myndaröð sem kallast Twilight. Síðan hefur hann leikið í ýmsum myndum, mörgum þeirra af listræna taginu, og í fyrra brá honum fyrir í vinsælli myndinni sem hét Vitinn eða The Lighthouse. Undanfarið hefur hann verið að leika fræga hetju sem birtast mun í nýrri mynd leikstjórans Matt Reeve. Sú hetja var eiginlega eins og „heiðursgesturinn sem ekki er viðstaddur“ í myndinni Joker. Hvaða hetja er það?

Svörin:

1.   Leicester City.

2.   Everest.

3.   Auður Ava Ólafsdóttir.

4.   Albaníu.

5.   Pakistan.

6.   Dauðahafið.

7.   Já.

8.   John F. Kennedy.

9.   Guðríður Símonardóttir.

10.   Batman.

Rétt svör við aukaspurningum:

Borgin heitir Osló.

Myndlistarmaðurinn er Tolli Morthens, eða Þorlákur Kristinsson.