Aukaspurningar eru að þessu sinni aðeins tvær. Sú fyrri er svona:

Hver er konan á myndinni hér að ofan?

Og hver er karlinn á myndinni hér að neðan?

En aðalspurningar eru þessar helstar:

1.   Í hvaða landi (ekki borg) hafa sumarólympíuleikarnir oftast verið haldnir?

2.   Í hvaða kvikmynd eftir sögu Stephen Kings hljómar á örlagastundu setningin: „The missiles are flying, hallelujah, hallelujah“ eða „Flugskeytin eru komin á loft, hallelúja, halleljúa“?

3.   Samvæmt hinum gamla Beaufort-kvarða um vindhraða var mest gert ráð fyrir 12 vindstigum. Hvað kallaðist slíkt veður samvæmt kvarðanum?

4.   Árið 2002 lék Ingvar E. Sigurðsson leikari í Hollywood-kvikmyndinni K-19: The Widowmaker, sem fjallaði um slys um borð í sovéskum kjarnorkukafbáti. Aðalhlutverkin léku þeir Harrison Ford og Liam Neeson en Ingvar lék yfirvélstjóra kafbátsins. Hver leikstýrði þessari mynd?

5.   Hvað þýðir E-ið í nafni Ingvars E. Sigurðarssonar?

6.   Hvaða ár var síðast engin kona á Alþingi Íslendinga? Hér má skeika tveim árum til eða frá.

7.   Serena Williams heitir öflugasta tenniskona heimsins síðustu 20 árin eða svo. Lengst af hefur einn harðasti keppinautur hennar verið systir hennar, sem einnig er eða var í fremstu röð. Hvað heitir hún?

8.  Hvaða fjörður, flói eða vík er á milli Langaness og Melrakkasléttu?

9.   Í hvaða sæti lenti Hatari með lagið Hatrið mun sigra í Eurovision árið 2019?

10.   Fyrsti eiginlegi lífeyrissjóðurinn á Íslandi varð til með lögum árið 1919 þegar ákveðinni stétt var gert skylt að ráðstafa 5 prósentum launa sinna í sérstakan lífeyrissjóð. Hvaða stétt var hér um að ræða?

Gáið að því að hérna er þrautin frá í gær.

En svörin við spurningunum eru:

1.   Bandaríkjunum.

2.  The Dead Zone.

3.   Fárviðri.

4.   Kathryn Bigelow.

5.   Eggert.

6.   Það var árið 1956, svo rétt má vera allt frá 1954-1958.

7.   Venus.

8.   Þistilfjörður.

9.   Tíunda.

10.   Embættismenn.

Á efri myndinni er söngstjarnan Aretha Franklin.

En á neðri myndinni er brasilíska fótboltastjarnan Zico. 

Flestum er Zico ógleymanlegur í ögn yngri útgáfu, sem sé meðan hann var ögn yngri og spengilegri, og spilaði með frægum landsliðum Brasilíu á HM 1978, 1982 og 1986, sjá myndina hér.