Knatt­spyrnu­sam­band Íslands kynnti í dag nýtt merki sam­bands­ins sem byggir á land­vætt­unum. Í kynn­ing­ar­mynd­bandi sem leik­konan Hera Hilm­ars­dóttir tal­setur og Hannes Þór Hall­dórs­son lands­liðs­mark­vörður leik­stýrir eru land­vætt­irnar kynntar ein af öðrum og sagðar vernda landið fyrir árásum.

„Hetjur koma og fara en liðið stendur að eilífu saman sem ein heild, til­búið til að berj­ast undir töfrum verndar­anna sem að eilífu vaka yfir þjóð­inni,“ segir Hera yfir svip­myndum af lands­lið­unum. „Einn hugur, eitt hjarta sem slær fyrir Ísland“.

Merkið mun glæða lands­liðs­bún­inga knatt­spyrnu­lið­anna. „Fyrir Ísland: Nýr kafli er haf­inn,“ segir í kynn­ing­ar­texta KSÍ. „Með stór­kost­legum árangri síð­ustu ára hafa lands­lið Íslands vakið athygli heims­byggð­ar­innar. Með sterkri liðs­heild og óþrjót­andi stuðn­ingi þjóð­ar­innar höfum við sýnt að við getum staðið jafn­fætis hvaða liði sem er.

„Saman hefjum við þennan næsta kafla — fyrir Ísland“

Við höfum nýtt styrk­leika okkar og lært af sætum sigrum og bitrum ósigrum, sem hafa mótað okkar gildi. Þessir þættir hafa fært okkur inn­blástur fyrir nýja ásýnd, sem er í senn tákn­ræn fyrir íslenska arf­leifð, sögu og liðs­heild. Saman hefjum við þennan næsta kafla — fyrir Ísland.“

Samhliða kynn­ingu á nýju útliti hefur KSÍ sett í sölu nýjan varn­ing sem teng­ist lið­inu.

Nýi bún­ing­ur­innLands­liðs­menn sýna bún­ing­inn og merkið sem er inn­blásið af land­vætt­unum.

Mynd: KSÍ