Aukaspurningar:

Hver er karlinn á efri myndinni?

Og hver er konan á neðri myndinni? Það má fylgja sögunni að hún er nýbúin að hljóta Grímuverðlaun fyrir leiklist.

1.   Djöfullinn hefur mörg nöfn. Eitt þeirra þýðir „ljósberi“ á latínu. Hvaða nafn er það?

2.   Tónlistarkona nokkur ber sitt skírnarnafn, eins og allir, en síðan heitir hún líka Giselle Knowles-Carter. Hún er þó fyrst og fremst þekkt undir skírnarnafninu, og hvað er það?

3.   Hvað hét fyrsti gervihnötturinn sem skotið var á loft frá Sovétríkjunum 1957?

4.   Hver var forsætisráðherra Íslands á undan Davíð Oddssyni?

5.   Diskó-hljómsveitin Village People mun enn vera til vestur í Bandaríkjunum en hún kom fram á sjónarsviðið 1977. Fyrir utan grípandi diskó-lög sín vakti hljómsveitin athygli fyrir að meðlimir voru eða gáfu sig altént út fyrir að vera ... hvað?

6.   Borgin Istanbúl hét áður Konstantínópel en þar áður hét hún ... hvað?

7.   Hvaða ár hófst franska byltingin?

8.   Hvaða umdeildu byggingu frá 1992 teiknuðu þau Margrét Harðardóttir og Steve Christer?

9.   Hvað var eina spendýrið sem bjó á landi á Íslandi þegar menn settust hér að?

10.   Hvað heitir þjálfari karlaliðs KR í fótbolta nú um stundir?

1.   Lúsífer.

2.   Beyoncé.

3.   Spútnik.

4.   Steingrímur Hermannsson.

5.   Samkynhneigðir.

6.   Býstantíum.

7.   1789.

8.   Ráðhús Reykjavíkur.

9.   Refurinn.

10.   Rúnar Kristinsson.

Karlinn á efri myndinni er náttúrlega Jósef Stalín ungur að árum. Svona er myndin er öll.

Og konan á neðri myndinni er Ebba Katrín Finnsdóttir. Myndin er skjáskot af mynd úr Morgunblaðinu sem Eggert Jóhannesson tók.

Hér er svo þrautin frá í gær.