Aukaspurningarnar hljóða svá:

Úr hvaða stríði er þessi mynd tekin?

Og hver er konan á neðri myndinni?

Þær tíu aðalspurningar eru svohljóðandi:

1.   Árið 1787 ákváðu Danir að setja upp sex sérstaka kaupstaði á Íslandi. Þessir sex kaupstaðir voru Reykjavík, Vestmannaeyjar, Reyðarfjörður, Ísafjörður, Akureyri og ... hver var sá sjötti?

2.   Richard Marquand hét welskur kvikmyndaleikstjóri sem lést af hjartaslagi árið 1987 aðeins 49 ára gamall. Hann er ekki í hópi þekktustu leikstjóra en var þó virtur vel fyrir haganlegar hasarmyndir, og var reyndar - fjórum árum fyrir andlátið eða svo - leikstjóri einnar af vinsælustu myndum allra tíma. Sú mynd var raunar hluti af vinsælli seríu. Hvað hét þessi mynd Richard Marquands?

3.   William Butler Yeats, James Joyce, George Bernard Shaw, Samuel Beckett, Seamus Heaney. Þessir fimm eru án efa þekktustu og bestu rithöfundar Írlands á 20. öld. Hver þeirra fékk EKKI Nóbelsverðlaunin í bókmenntum?

4.   Einn frægasti rithöfundur Englands á 20. öldinni hafði gjarnan au-pair stúlkur frá Íslandi. Það fór ekkert illa á því, vegna þess að höfundur þessi notaði mjög ýmis íslensk og/eða fornnorræn stef í bókum sínum. Hann fann til dæmis nöfn á margar persónur sínar í gömlum íslenskum skræðum. Hvað hét höfundur þessi? 

5.   Hvað heitir höfuðborgin á Kúbu?

6.   Hver hefur lengst allra verið forseti Frakklands?

7.   Hvaða áfengistegund er fræg fyrir að vera framleidd í franska héraðinu Armagnac (borið fram armanjak)?

8.   Frá hvaða landi er kvikmyndastjarnan Cate Blanchett?

9.   Hvað heitir stóra systir Míu litlu í sögunum um Múmínálfana?

10.   Hvað heitir forsætisráðherra Noregs?

Svörin:

1.   Grundarfjörður.

2.   Return of the Jedi - úr Star Wars seríunni.

3.   James Joyce.

4.   J.R.R. Tolkien.

5.   Havana.

6.   Francois Mitterand.

7.   Armagnac.

8.   Ástralíu.

9.   Mímla.

10.   Erna Solberg.

Myndin efst er úr Víetnamstríðinu, eins og augljóslega má ráða af þyrlunum sem einkenndu þann hörmulegu stríðsrekstur.

Konan er Marlene Dietrich ung að árum.

En spurningar frá í gær eru hér.