Þá birtist hér, fyrir undur tækninngar, 29. spurningaþrautin.

Aukaspurningar eru tvær.

Hvaða ríki framleiddi skriðdreka þann hinn fræga sem sést á myndinni hér að ofan?

En hver er sá ungi maður, sem er að heilsa upp á John F. Kennedy Bandaríkjaforseta á myndinni hér að neðan?

En þá eru það þær tíu?

1.   Í apríl 1988 var leikritið Hamlet eftir William Shakespeare frumsýnt í Iðnó, á síðasta leikári Leikfélags Reykjavíkur þar. Leikstjóri var Kjartan Ragnarsson en ungur Vestfirðingur fór með hlutverk Danaprinsins hikandi. Og sá var hver?

2.   Svo spyr ég um annan leikara. Bandaríska leikkonan Edie Falco hefur leikið margt og mikið um ævina, en hún hefur ævinlega kunnust fyrir rullu sem hún fór með í vinsælli sjónvarpsseríu á árunum 1999-2007. Hvað hét persónan sem hún túlkaði þar?

3.   Í einvörðungu einu tilfelli í veröldinni vill svo til að nafn bæði ríkis og höfuðborgar eru aðeins fjórir bókstafir. Hvað heita ríkið og borgin?

4.   Hvað heitir þéttbýlisstaðurinn í Hvammsfirði?

5.   Hver er sá maður með bók í hönd sem prýðir íslenskan þúsundkall?

6.   Hvaða ár var sex daga stríðið háð millum Ísraels annars vegar og Egiftalands, Jórdaníu og Sýrlands hins vegar?

7.   Ung söngkona frá Flórída er nú ein vinsælasta tónlistarkona heimsins. Ætli vinsælasta lag hennar sé ekki „Thank u, next“. Árið 2017 gerði öfgamaður sjálfsmorðsárás á tónleikum hennar í Manchester og drap hátt í 30 manns. Hvað heitir söngkonan?

8.  Hvað heitir forsætisráðherra Danmerkur?

9.   Nafnið á hljóðfæri einu þýðir í raun og veru „hljótt“ eða „hægt“. Þó er auðvitað hægt að spila á þetta hljóðfæri bæði hátt og hratt. Hvaða hljóðfæri er þetta?

10.   Enn ein leikaraspurning: Hvað heitir leikkonan sem lék Ellý Vilhjálms við frábæran orðstír í Borgarleikhúsinu oftar en tölu verður á komið?

1.   Þröstur Leó Gunnarsson.

2.   Carmela Soprano.

3.   Perú, Lima.

4.   Búðardalur.

5.   Brynjólfur Sveinsson, biskup var hann að tign.

6.   1967.

7.   Ariana Grande.

8.   Mette Frederiksen.

9.   Píanó.

10.   Katrín Halldóra Sigurðardóttir.

Svör við aukaspurningum:

Skriðdrekinn T-34 var framleiddur í Sovétríkjunum.

Það er Bill Clinton sem þarna skekur hönd forseta síns.

Og hér er svo þrautin frá í gær. Hér er hún. Gleymið henni ekki.

En sú næsta, hér er hún. Hún snýst öll um höfuðborgir.