Spurningaþraut 28: Tunglvana plánetur, Rómarkeisari og stríðsforseti

Þetta er 28. spurn­inga­þrautin.

Auka­spurn­ingar eru þessar:

Hver er sú hin hnellna stúlka sem arkar á óþekktri gang­stétt hér að ofan?

Myndina hér að neðan mál­aði einn nafn­kunn­asti mynd­list­ar­maður heims á 20. öld. Hann hét hvað?

En hér er svo spurt:

1.   Rómúlus Ágústulus nefnd­ist einn Róm­ar­keis­ara til forna. Fyrir hvað er hans einkum minnst?

2.  Annar frægur karl, öllu yngri, var fæddur í Banda­ríkj­unum og hét Frank Lloyd Wright. Hvað var nú hans til­kall til frægðar og frama?

3.  Reiki­stjörnur við sól­ina eru átta, fyrir utan þó nokkrar dverg­plánetur. En af þessum átta hafa allar - nema tvær - eitt eða fleiri tungl á braut um sig. Hverjar eru þessar tvær? Vit­an­lega verður að nefna báðar.

4.   Hvað er eina dæmi Íslands­sög­unnar um að litur á skipi hafi orðið til­efni yfir­lýs­inga í fréttum?

5.   Hvað nefn­ist haf­svæðið milli Ítal­íu­skaga og Balkanskaga þar sem ríki fyrrum Júgóslavíu eru hvert af öðru við strönd­ina? 

6.   Hver er heil­brigð­is­ráð­herra í núver­andi rík­is­stjórn?

7.   Hver var Banda­ríkja­for­seti meðan fyrri heims­styrj­öldin geis­aði svo hart?

8.   Hver var nýlega ráðin rit­stjóri DV?

9.   Hvað heitir stærsta eyjan í Ísa­fjarð­ar­djúpi?

10.   Lýra Belacqua er 11 ára gömul hug­rökk stúlka, sem heldur á slóðir ísa og norð­ur­ljósa í leit að týndum börnum. Í heimi hennar búa, auk venju­legs fólks, fylgjur, nornir, talandi birnir, Sígyptar svo­kall­aðir og ýmsar fleiri kynja­verur. Hvað heitir sú bók, þar sem ferða­lagi Lýru er lýst?

Þá eru hér svörin:

1.   Hann var síð­asti keis­ar­inn í vestur-róm­verska rík­inu. „Síðasti keis­ari Róma­veldis“ dugar alveg, þótt ekki sé það tækni­lega alveg nákvæmt, þar sem eystri hluti Róma­veldis hélt velli í tæp þús­und ár eftir það.

2.   Arki­tektúr.

3.    Merkúr og Venus.

4.  Þegar Þor­steinn Már Bald­vins­son for­stjóri Samherja keypti Ísa­fjarð­ar­togar­ann Guð­björgu en lof­aði því að hún yrði áfram gerð út frá Ísafirði með orð­unum: „Guggan verður áfram gul.“ Hann stóð reyndar ekki við lof­orðið, en það er önnur saga.

5.   Adríahaf.

6.   Svandís Svav­ars­dóttir.

7.   Woodrow Wilson, reyndar dugir að nefna eft­ir­nafn hans.

8.   Þorbjörg Mar­in­ós­dóttir. Hún er yfir­leitt alltaf kölluð Tobba Marinós, svo það dugar alveg.

9.   Æðey.

10.   Bókin heitir Gyllti átta­vit­inn. Hún er eftir Philip Pullmann, en það er ekki nauð­syn­legt að muna.

Svör við auka­spurn­ingum:

Stúlkan óx úr grasi og kall­ast nú Elísabet 2. Breta­drottn­ing.

Mál­verkið mál­aði Marc Chagall.

Svo er hérna þraut gær­dags­ins. Reynið ykkur við hana líka!