Kona um sextugt fannst látin í heimahúsi í Hafnarfirði í nótt. Lögreglan á höfuðborgarsvæðinu handtók tvo menn á heimilinu í þágu rannsóknarinnar. 

Tilkynnt var um málið um hálftvöleytið í nótt og hélt lögregla þegar á vettvang. Þegar að var komið reyndist konan látin. Tveir karlar, annar um þrítugt og hinn á sextugsaldri, voru staddir á heimilinu þegar lögregla kom á staðinn. Þeir voru báðir handteknir í þágu rannsóknarinnar. Rannsókn málsins er á frumstigi en hún beinist meðal annars að því hvort mennirnir hafi átt þátt í andláti konunnar. Lögreglan veitir að svo komnu máli ekki frekari upplýsingar um málið.