Lands­sam­tök íslenskra stúd­enta (LÍS) leggj­ast ein­dregið gegn hug­myndum um hærra skrá­setn­ing­ar­gjald í opin­bera háskóla enda muni það koma til með að skerða aðgengi stúd­enta á lands­vísu að háskóla­menntun. Þetta kemur fram í yfir­lýs­ingu sem sam­tökin sendu frá sér í dag.

Til skoð­unar er að hækka skrá­setn­ing­ar­gjald í Háskóla Íslands um 39 pró­sent, úr 75 þús­und krónum í 104 þús­und. „Það eru til að mynda hærri gjöld en stúd­entar greiða í suma einka­rekna háskóla í Noregi og mun hærri skrá­setn­ing­ar­gjöld en tíðkast á Norð­ur­lönd­unum öllum,“ segir í yfir­lýs­ingu LÍS. „LÍS taka undir yfir­lýs­ingu Stúd­enta­ráðs Háskóla Íslands (SHÍ) um málið þar sem fram kemur að hækkun skóla­gjalda verði til þess að hækka þá þrösk­ulda sem standa í vegi fyrir þeim sem vilja stunda nám á háskóla­stigi. Und­ir­staða jafn­réttis er aðgengi og myndi hækkun gjalda skerða aðgengi stúd­enta að opin­berum háskóla til muna. Lána­sjóður íslenskra náms­manna (LÍN) veitir ekki lán fyrir skrá­setn­ing­ar­gjöldum enda eiga skrá­setn­ing­ar­gjöld ekki að vera svo há að þau séu byrði fyrir stúd­enta.“

Samtökin telja að hækk­unin muni ekki aðeins koma niður á nem­endum við Háskóla Íslands. „Opin­berir háskólar hafa til þessa hald­ist í hendur hvað varðar skrá­setn­ing­ar­gjöld en þau eru nú 75.000 krónur í öllum fjórum opin­beru háskólum lands­ins. Því má ætla að gjöldin í hinum þremur skól­unum muni hækka í takt við hækkun skóla­gjalda í HÍ ef til hennar kemur.“

Þá benda sam­tökin einnig á að stúd­entar í einka­reknum háskólum fái ekki skóla­gjalda­lán fyrir þeirri fjár­hæð sem opin­berum háskólum er heim­ilt að inn­heimta fyrir skrá­setn­ingu. „Stúd­entar í einka­reknum háskólum hafa því frá árinu 2014 þurft að leggja út 75.000 krónur af sínum skóla­gjöldum til þess að geta stundað nám. Ef fram­kvæmd stjórnar LÍN við gerð úthlut­un­ar­reglna breyt­ist ekki munu stúd­entar í einka­reknum háskólum því að öllum lík­indum þurfa að leggja sjálfir út fyrir þessum 104.000 krónum, og síðar 107.000 krónum, í stað þeirra 75.000 króna sem þeir þurfa nú að greiða af skóla­gjöldum. Sú fjár­hæð hefur nú þegar verið gríð­ar­lega íþyngj­andi fyrir stúd­enta sem margir hverjir hafa ein­ungis tök á að vinna yfir sum­ar­tím­ann og leggj­ast aðrir í mikla vinnu sam­hliða skóla og hafa þannig ekki færi á að sinna nám­inu sínu sem skyldi.“

LÍS segja að vilji til að hækka skrá­setn­ing­ar­gjald kunni að vera til­kom­inn vegna und­ir­fjár­mögn­unar háskóla­kerf­is­ins. „Að mati LÍS er ekki rétt að seil­ast í vasa stúd­enta til þess að bæta fjár­hags­stöðu háskól­anna. Til þess að bæta hana þarf ein­fald­lega hærri fjár­fram­lög frá rík­inu og biðla LÍS til stjórn­valda um að bæta ríf­lega í fjár­fram­lög til háskóla­stigs­ins og láta vasa stúd­enta í friði.“