„Við vildum óska þess að pabbi væri með okkur í dag en svo er því miður ekki,“ skrifar Hafþór Sæv­ars­son, sonur Sævars Marínós Ciesielski, vegna nið­ur­stöðu end­ur­upp­töku­nefndar sem kynnt var í dag.

Nefndin hefur fall­ist á end­ur­upp­töku á dómi Hæsta­réttar yfir þeim Krist­jáni Viðari Júl­í­us­syni, Sævari Ciesielski og Tryggva Rúnari Leifs­syni sem voru sak­felldir fyrir að hafa orðið Guðmundi Ein­ars­syni að bana árið 1974. Þá er fall­ist á end­ur­upp­töku dóms­ins yfir Sævari, Krist­jáni og Guðjóni Skarp­héð­ins­yni vegna hvarfs Geir­finns Ein­ars­sonar og end­ur­upp­töku á dóm­inum yfir Alberti Klahn Skafta­syni, sem var sak­felldur fyrir hlut­deild í mál­inu.

Sævar Ciesielski barð­ist alla ævi fyrir því að málin yrðu tekin upp að nýju. Eftir að hann lést árið 2011 hafa börnin hans haldið bar­átt­unni áfram, meðal ann­ars Hafþór Sæv­ars­son sem birtir mynd af föður sínum á Facebook í dag og skrifar:

Mynd: Hafþór Sæv­ars­son

Pabbi, loks­ins er komið að því! <3

Við systk­inin getum loks­ins fagnað því að mann­orð þitt verður hreinsað.

Faðir okkar barð­ist alla ævi fyrir sann­leik­anum í þessum málum og að sak­leysi hans yrði við­ur­kennt. Manns­hvörf tveggja manna voru mis­notuð af rann­sókn­ar­að­ilum.

Við vildum óska þess að pabbi væri með okkur í dag en svo er því miður ekki.

Allt frá því að við munum eftir okkur hafa þessi mál litað til­veru okkar. Það er ekki hægt að útskýra með orðum þá upp­lifun að hafa fæðst inn í þetta rang­læti.

End­ur­upp­töku­nefnd fellst á að Guð­mundar- og Geir­finns­mál, sem aldrei voru dómtæk mál, verða tekin upp að nýju. Þá fellst nefndin ekki á að taka upp rangar sak­ar­giftir á þessum tíma­punkti; þær falla um sig sjálfar með sýknu­dómi.

Kærar þakkir, þið öll sem hafið stutt okkur allan þennan tíma.

Til ham­ingju pabbi, bar­átta þín og seigla hefur loks­ins skilað sér í end­ur­upp­töku. 

Rétt­lætið sigrar að lokum.