Jóhanna María Sigmundsdóttir, yngsti þingmaður Íslandssögunnar sem setið hefur á Alþingi fyrir hönd Framsóknarflokksins undanfarin þrjú ár, var virk á samfélagsmiðlinum Twitter meðan eldhúsdagsumræður stóðu yfir á Alþingi í gærkvöldi.
„Ókey krakkar, hver prumpaði?“ skrifaði hún í upphafi kvölds. Skömmu síðar greindi hún frá því að besta skemmtun þingmanna í salnum væri „að fylgjast með dýfum samstarfsfélaga til að blokka ekki myndavélarnar á ferð um húsið“. Þá gerði hún klæðaburð þingmanna að umtalsefni: „Það eina erfiða við að sitja kyrr í salnum í beinni útsendingu er að mig langar til að laga bindin hjá strákunum...#plísstrákar #eldhúsdagur“.
Jóhanna María hrósaði Árna Páli Árnasyni, fyrrverandi formanni Samfylkingarinnar, fyrir ræðu sína og minnti um leið á fræga Vatnajökulsræðu hans. „Gott gott hjá Árna. En sem þingmaður í NV kjördæmi þykir mér leitt að Drangajökull fái ekki að vera memm í kvöld,“ skrifaði hún.
Þegar kom að síðustu umferð eldhúsdagsumræðna virðist sem Jóhanna hafi verið orðin óþreyjufull eftir að þeim lyki: „Með fullri virðingu fyrir öllum samstarfsfélögum mínum þá virkar síðasta umferð alltaf lengri en hún er... #3mín #eldhúsdagur.“ Að lokum kvartaði hún undan kulda: „Ég er að segja ykkur það. Það er fokk kalt í salnum. Loftræstingin miðast örugglega við fullan sal. #fækkarísalnum #eldhúsdagur.“
Eins og áður hefur komið fram í fjölmiðlum er Jóhanna á meðal þeirra þingmanna sem talað hafa allra minnst á yfirstandandi kjörtímabili. Hún hefur setið í allsherjar- og menntamálanefnd og Íslandsdeild Norðurlandaráðs en gaf ekki kost á sér til áframhaldandi þingsetu á næsta kjörtímabili.
Athygli vakti í fyrra þegar Jóhanna ávítti þingmenn fyrir ástandið og umræðuhefðina á Alþingi. Hún kvartaði undan „gróusögum, kýtingum, uppnefnum og leiðindum“ í reiðilestri sínum yfir þingheimi og sagði að bera ætti virðingu fyrir þingmönnum og að þeir ættu að koma fram hver við annan eins og þeir vildu að komið væri fram við sig.
„Eins og umhverfið hefur verið er valda boðlegt að vinna hér. Gróusögur, kýtingar, uppnefni, baktal og leiðindi. Ég hef alltaf verið þakklát þeim gildum sem foreldrar mínir sendu mig út í lífið, meðal annars að kurteisi kostaði ekkert og að ég ætti að bera virðingu fyrir mér eldra fólki ... Þessi gildi vil ég hafa áfram að leiðarljósi en því miður gerir hegðun margra þingmanna mér erfitt fyrir.“
Eldhúsdagsumræður
„Viðreisn mun spyrna kröftuglega gegn einangrunarhyggju og hvers kyns afbökun á sannleikanum.”
Halla Signý: „Íslendingar hafa alltaf sett sér háleit markmið þegar kemur að umhverfi og náttúru“
Olga Margrét sagði sérhagsmuni fyrirtækja skýra aðgerðarleysi fyrirtækja í loftslagsmálum
Óli Björn Kárason: „Lágmarkslaun á Íslandi eru þau þriðju hæstu í löndum OECD“
Athugasemdir