Hið mán­að­ar­lega bóka­kaffi í Gerðu­bergi var með óvenju­legu sniði þetta októ­berkvöld, því skáld­kon­urnar sáu sjálfar um að spyrja hver aðra spjör­unum úr og gefa þannig áheyr­endum ferska inn­sýn í hvernig hugur og hjarta glæpa­rit­höf­unda starfar. Sam­ræð­urnar voru hluti af glæpa­sagna­há­tíð­inni Iceland Noir sem fer fram í Norræna hús­inu 17.–20. nóv­em­ber en þar koma saman fimm­tíu höf­undar, íslenskir og erlendir, og sökkva sér í umræður um glæpa­sögur.

Sam­an­lagt hafa þær Yrsa, Lilja, Sólveig og Jónína sent frá sér um tutt­ugu glæpa­sögur. Varla þarf að taka fram hver hefur skrifað flestar þeirra. Yrsa er óum­deild glæpa­drottn­ing Íslands en hennar ell­efta glæpa­saga, Aflausn, er vænt­an­leg fyrir jólin. Lilja sendi nýverið frá sér sína fjórðu glæpa­sögu, Netið, sem er sjálf­stætt fram­hald Gildrunnar sem kom út haustið 2015. Sólveig hefur skrifað þrjár glæpa­sögur og vinnur nú að þeirri fjórðu. Nýgræð­ing­ur­inn í glæpa­hópnum, þó hún sé langt frá því að vera að hefja rit­höf­und­ar­fer­il­inn, er svo Jónína Leós­dóttir, sem vinnur að sinni annarri glæpa­sögu.