Yfirstandandi maímánuður er sá kaldasti frá 1979, að sögn Trausta Jónssonar veðurfræðings. Þetta kemur fram í frétt í Morgunblaðinu í dag. „Fyrstu þrjár vikurnar eftir sumardaginn fyrsta voru óvenju kaldar og þær halda niður þessu meðaltali. Síðasta vika hefur verið nær meðaltali, fyrir utan daginn í gær sem var mjög kaldur,“ segir Trausti í samtali við Stundina. Hann segir hitastig hafa verið mismunandi á landinu á yfirstandandi mánuði og því hafi hitinn verið nær meðaltali á Norður- og Austurlandi. 

Sólríkasti mánuðurinn kvaddur

Maímánuður er jafnan sólríkasti mánuður ársins og hefur verið það undanfarin ár. Að sögn Trausta var yfirstandandi mánuður mjög sólríkur þrátt fyrir að vera ekki nálægt því að slá metið. „Venjulega er minni sól í júní en í maí,“ segir Trausti og viðurkennir að líkur séu á því að við séum nú að kveðja sólríkasta mánuð ársins. Það eigi hins vegar ekki alltaf við. Í fyrra skein sól til dæmis langmest í ágúst. 

„Venjulega er minni sól í júní en í maí“

Síðustu tvö sumur eru höfuðborgarbúum fersk í minni en þau voru ekkert sérstaklega sólrík. Trausti segir það fyrst og fremst hafa verið sumarið 2013.