„Enn eru tafir á því að hægt sé að birta upp­lýs­ingar um stöðu lána, en allt bendir til þess að það tak­ist fyrir næstu mán­að­ar­mót. Enn og aftur er beðist vel­virð­ingar á þeirri miklu töf sem hefur orðið á birt­ingu þess­ara upp­lýs­inga.“

Þessi 18 daga gömlu skila­boð, frá 21. októ­ber, blasa við við­skipta­vinum LÍN í dag, þegar þeir skrá sig inn á mitt svæði lána­sjóðs­ins. Ljóst er að ekki hefur tek­ist að birta upp­lýs­ingar um stöðu lána fyrir mán­aða­mótin, eins og von­ast var til. Truflun hefur verið á upp­lýs­inga­gjöf LÍN til við­skipta­vina í nokkra mán­uði, með til­heyr­andi óþæg­indum. „Þetta skýrst af því að við erum að taka nýtt upp­lýs­inga­kerfi í gagnið,“ útskýrir Hrafn­hildur Ásta Þor­valds­dóttir, fram­kvæmda­stjóri LÍN. „Við byrj­uðum að afgreiða náms­lán út úr nýju kerfi fyrir þetta haust og greiðum nú út náms­lán sam­kvæmt nýju kerfi. Gamla kerfið var komið til ára sinna og því var nauð­syn­legt að skipta því alfarið út. Þetta er hins vegar ekki kerfi sem þú skiptir út öllu í einu. Þú tekur þetta eins og þú sért að borða fíl, einn bita í einu. Við höfum svo sér­hæft kerfi og það þurfti að sér­smíða mikið í kringum það.“