Eitt síð­asta verk Sig­mundar Davíðs Gunn­laugs­sonar sem for­sæt­is­ráð­herra var að teikna 19. aldar útlit á nýbygg­ingu sem reist verður við Lækj­ar­götu, en breyt­ing­ar­til­lögum hans hefur verið hafnað.

Sig­mundur fór fram á að útliti húss, sem byggja átti við svo­kallað Hafn­ar­torg við Lækj­ar­götu í Reykja­vík, yrði breytt. Hann sagði að húsið yrði „álitið mesta skipu­lags­slys í miðbæ Reykja­víkur í seinni tíð og jafn­vel alla tíð,“ ef það yrði byggt sam­kvæmt teikn­ingum PK arki­tekta. Sig­mundur sendi því sína eigin til­lögu á eig­endur lóð­ar­innar, Reykja­vík Develop­ment, en þær sam­ræmd­ust ekki deiliskipu­lagi. 

For­sæt­is­ráðu­neytið og Reykja­vík Develop­ment sendu frá sér til­kynn­ingu í jan­úar um að ráðu­neytið fengi að hafa aðkomu að end­ur­hönnun húss­ins. Í kjöl­farið sýndi Sig­mundur tvær myndir með nýju útliti.

Turn Sigmundar gerði húsið of hátt

Guðni Rafn Eiríks­son, einn eig­enda Reykja­vík Develop­ment, segir í sam­tali við Stundina að ófært hafi verið að verða við til­lögum for­sæt­is­ráðu­neyt­is­ins. „Við vissum aldrei neitt fyrr en við sáum þessar myndir. Við sögðum bara: Þetta gengur of langt,“ segir hann.

„Þeir voru ekk­ert búnir að kynna sér þetta deiliskipu­lag“

Meðal þess sem kom í ljós var að í til­lögu Sig­mundar var turn sem gerði bygg­ing­una hærri en heim­ilt var. Að auki áttu tvær efstu hæðir húss­ins að vera inn­dregnar, sam­kvæmt deiliskipu­lagi, með þeim hætti að þeir sem stæðu við húsið sæu aðeins fjórar hæðir, en til­laga Sig­mundar sam­ræmd­ist því ekki. „Þeir voru ekk­ert búnir að kynna sér þetta deiliskipu­lag,“ segir Guðni. „Það tekur ár að breyta deiliskipu­lagi. Við getum ekk­ert verið á hold í eitt ár af því að hann hefur áhuga á þessu.“

Gerði inngrip vegna hafnargarðsins

For­sæt­is­ráðu­neytið hefur fengið aukin völd yfir ásýnd byggðar, eftir lög sem sam­þykkt voru á Alþingi síð­asta sumar. Í krafti þeirra tók Sigrún Magn­ús­dóttir, sem starf­andi for­sæt­is­ráð­herra, ákvörðun um að friða gamlan hafn­ar­garð á lóð Hafn­ar­torgs. Nið­ur­staðan var að Reykja­vík Develop­ment þurfti að fjar­lægja hafn­ar­garð­inn stein fyrir stein og mun setja hann aftur upp síðar. Kostn­að­ur­inn var met­inn hálfur millj­arður króna af lóða­eig­and­anum og hefur hann lýst því yfir að skaða­bætur verði sóttar til rík­is­sjóðs vegna hans.

Tillaga sem unnið verður eftir PK arki­tektar teikn­uðu útlitið á húsið sem rísa mun við Hafn­ar­torg. Fram­kvæmdir hefj­ast lík­lega síðar í þessum mán­uði.

Mynd:

Hugmynd Sig­mundar Sig­mundur vildi taka yfir hönnun á hús­inu við Hafn­ar­torg og móta það í 19. aldar stíl.

Mynd: Sig­mundur Davíð Gunn­laugs­son

Byggingarleyfi veitt

Bygg­ing­ar­leyfi hefur nú verið veitt fyrir fram­kvæmd­unum. Áætlað er að þær hefj­ist síðar í mán­uð­inum. Versl­un­ar­rými hefur verið selt til Regins, fast­eigna­fé­lags.

Guðni Rafn segir því útlit fyrir að útlits­breyt­ingar for­sæt­is­ráðu­neyt­is­ins verði ekki inn­leiddar.

„Menn ætl­uðu að skoða þetta betur hjá þeim og svo bara höfum við ekk­ert heyrt meira í þeim. Mér sýn­ist ekk­ert verða úr þessu frekar hjá þeim.“

Sigurður Ingi gjörbreytir ekki útlitinu

Spurður hvort Reykja­vík Develop­ment muni veita Sigurði Inga Jóhanns­syni, nýjum for­sæt­is­ráð­herra, tæki­færi til að teikna húsið segir Guðni Rafn: „Við erum bara til­búnir til við­ræðna við hvern þann sem er áhuga­samur um að leigja af okkur skrif­stofu­hús­næði um ein­hverja aðlögun að þeirra þörfum. Það er eðli­legt í fast­eigna­við­skiptum. Við erum að aðlaga hell­ing fyrir Reginn. En ekki kannski end­ur­hanna allt verk­efnið í nítj­ándu aldar stíl.“