Christine Lagarde, for­stjóri Alþjóða­gjald­eyr­is­sjóðs­ins mun fara fyrir rétt vegna aðkomu sinnar að 400 milljón evru greiðslu úr rík­is­sjóði þegar hún var fjár­mála­ráð­herra Frakk­lands, undir for­sæti Nicolas Sarkozy, árið 2008, sam­kvæmt úrskurði hæsta­réttar Frakk­lands.

Lagarde er ásökuð um „van­rækslu í starfi“ sem „orsak­aði mis­notkun á opin­beru féi af hendi þriðja aðila,“ segir í úrskurði rétt­ar­ins að því er fram kom í yfir­lýs­ingu hans í dag.

Stjórn gjald­eyr­is­sjóðs­ins lýsti því yfir á sama tíma að stofn­unin treysti Lagarde til þess að sinna sínum verk­efnum eftir að úrskurð­ur­inn var kveð­inn upp.

Adidas selt með gríðarlegum hagnaði

Fréttir þess efnis að for­stjór­inn gæti sætt ákæru vegna van­rækslu í Frakk­landi hafa verið ofar­lega á baugi þar í landi árum saman. Málið snýst um Bernard Tapie, fyrrum eig­anda fót­bolta­fé­lags­ins Marseille, sem fékk 400 millj­óna evru, um 53.560.000.000 íslenskar krónur skaða­bætur í kjöl­far lög­sóknar á hendur franska bank­anum Credit Lyonnais, sem hann sak­aði um að van­meta hlut sinn í íþrótta­vöru­fé­lag­inu Adidas. Lagarde, sem á þeim tíma var fjár­mála­ráð­herra, sá til þess að málið end­aði með sátta­greiðslu, og færði per­sónu­lega rök fyrir þeirri lend­ingu.

Tapie, sem sam­hliða við­skiptum var einnig stjórn­mála­maður, var einn stærsti hlut­hafi Adidas. Til þess að fjár­magna stjórn­mála­feril sinn fór hann að leita að kaup­endum að hluta sínum í félag­inu, sem hann seldi svo til Credit Lyonnais fyrir 2 millj­arða franka. Nokkrum mán­uðum síðar seldi bank­inn, sem var í rík­i­s­eigu, athafna­mann­inum Robert Louis-Dreyfus, hlut­inn á tvö­földu kaup­verði. Tapai ásak­aði Credit Lyonnais um svik og krafð­ist greiðslna sem sam­svar­aði tap­inu, sem að lokum voru greiddar árið 2007.

Franska ríkið borgaði brúsann

Það var eftir að þáver­andi fjár­mála­ráð­herra Lagarde greip inn í málið og skip­aði sér­staka nefnd til þess að leysa það. Nefndin úrskurð­aði að lokum Tapie í hag og ákvað að greiða honum 400 millj­ónir evra.

Árið 2013 var svo byrjað að rann­saka Tapie vegna skipu­lagðrar svika­starf­semi. Hneykslið virt­ist afhjúpa spill­ingu innan franskrar stjórn­sýslu í for­seta­tíð Nicolas Sarkozy. Sama ár leit­uðu frönsk yfir­völd á heim­ili Lagarde, en hún hefur verið til rann­sóknar síðan 2011 þrátt fyrir að hafa alla tíð neitað sök. Segist hún „ávallt hafa starfað í þágu þjóð­ar­innar og sam­kvæmt lögum.“ Full­yrðir lög­fræð­ingur hennar að hún verði sýknuð af öllum ásök­unum.

Umfjöllun Deutsche Welle‎ um málið.