Þessi grein birtist upphaflega í Stundinni fyrir meira en 9 árum.

Karl skilaði hestunum ekki til þrotabús

Karli Werners­syni var gert að skila hross­a­rækt­ar­bú­inu Feti til þrota­bús Hátt­ar. Fá­ein­um dög­um áð­ur voru helstu eign­ir fé­lags­ins, 174 hross, færð yf­ir á ann­að fé­lag í hans eigu. Að­eins dauð hross og fol­öld fædd á þessu ári voru skil­in eft­ir í fé­lag­inu.

Karl skilaði hestunum ekki til þrotabús

Fjárfestingarfélag Karls Wernerssonar var úrskurðað gjaldþrota í apríl 2012. Skiptastjóri félagsins, Jóhann Baldursson, segir í samtali við Stundina að hann muni skoða hvort óeðlilega hafi verið staðið að millifærslu eigna úr hrossaræktarbúinu Feti yfir á önnur félög, sem eru í eigu Karls.

Karl keypti hrossaræktarbúið Fet, á Suðurlandi, í gegnum Hátt fyrir ríflega hálfan milljarð króna árið 2007. Áður en félagið Háttur var tekið til gjaldþrotaskipta gerði Karl samkomulag um skuldauppgjör sem fólst í því að hann gekk að veði í öllum eignarhlutum hrossabúsins.

Þrotabú Háttar fór fram á að samkomulaginu yrði rift. Héraðsdómur Suðurlands féllst á það í lok september og Karli var gert að skila hrossabúinu. Fáeinum dögum fyrir úrskurð héraðsdóms voru 174 hross hinsvegar flutt frá hrossaræktarbúinu Feti yfir á félagið SAMK. ehf. sem er alfarið í eigu Karls. 

Ekki einungis hross voru færð úr Hrossaræktarbúinu FET því samkvæmt fasteignaskrá eignaðist Faxar ehf. jörðina og öll hús á eigninni í upphafi mánaðarins. Félagið er alfarið í eigu Karls. Því má segja að litlu hafi verið skilað.

Í samtali við Stundina segir Karl að millifærsla hestanna á milli félaga eigi sér eðlilega skýringu. Hrossin hafi verið tekin upp í skuld. „Skýringin er sú að hrossarækt er mjög erfiður búskapur, sérstaklega eftir hrossaflesuna en þá hrundi sala á hrossum. Ég hef rekið þetta hrossaræktarbú í mörg ár með neikvæðum árangri. Ég fjármagna tapið úr eigin vasa. Það var útséð að þetta fyrirtæki gæti ekki greitt skuldirnar þannig að það var ákveðið að fara í skuldauppgjör. Þessar skuldir urðu til frá árinu 2009 og hafa safnast upp öll þessi ár,“ segir Karl.

Hann segir að lykilstarfsmenn hrossabúsins munu á næstunni eignast hlut í eignarhaldsfélagi hrossanna, SAMK. Það sé vel mögulegt að dómi héraðsdóms verði áfrýjað.

Hestafréttir fjölluðu í gær um eigendaskiptin á hrossunum. Í frétt Hestafrétta kemur fram að um verðmæt hross er að ræða og að flest hross sem skilin hafi verið eftir hjá hrossaræktarbúinu Fetu hafi ýmist verið dauð eða folöld fædd á þessu ári. Þar segir einnig að heiðursverðlaunastóðhesturinn Vilmundur frá Feti sé nú í eigu SAMK eftir þennan gjörning. Samkvæmt heimildum Stundarinnar nemur heildarverðmæti hrossanna hundruðum milljóna króna.

Skiptum Háttar er ekki lokið. „Skiptastjóri mun kanna þessar hreyfingar á eignarhaldi,“ segir Jóhann, skiptastjóri í samtali við Stundina. 

Vilmundur frá Feti
Vilmundur frá Feti Vilmundur er heiðursverðlaunastóðhestur.

Karl var mjög umsvifamikill á árunum fyrir hrun en hann er fyrrverandi stjórnarformaður Milestone. Hann er enn eigandi Lyf og heilsu. Í síðastliðnum apríl var félagi Karls, Aurláka, gert að greiða þrotabúi Milestone tæpan milljarð vegna Lyf og heilsu, sem var selt út úr Milestone rétt fyrir hrunið árið 2008 til Aurláka. Árið 2009 varð Milestone gjaldþrota og þrotabú félagsins taldi að greiðslan vegna Lyf og heilsu hafi ekki verið fullnægjandi. Þrotabú taldi að markmið sölunnar hafi verið að koma Lyf og heilsu undan gjaldþroti Milestone. Héraðsdómur Reykjavíkur dæmdi þrotabúinu í vil og var Karli gert að greiða mismuninn eða 970 milljónir króna.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
1
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár