Kampavínsklúbbur í rannsókn hjá yfirvöldum - Nágrannar uggandi

Skemmti­stað­ur­inn Shooters Coyote Club er til rann­sóknar hjá lög­reglu vegna gruns um milli­göngu með vændi. Þetta stað­festir Aldís Hilm­ars­dóttir aðstoð­ar­yf­ir­lög­reglu­þjónn í sam­tali við Stundina. Lög­regl­unni er auk þess kunn­ugt um hús sem stendur við Hrísa­teig 14, en þar búa starfs­menn skemmti­stað­ar­ins. Stundin hefur rætt við nágranna sem eru ugg­andi vegna þess sem þeir hafa orðið vitni að fyrir utan húsið.

„Ég hef haft áhyggjur af þeim. Maður sér þær koma út og karl­arnir sem sækja þær fara ekk­ert vel með þær.“

Nágrannar hafa áhyggjur

Við Hrísa­teig 14 stendur hús sem lætur lítið yfir sér en hefur ­vakið athygli nágranna vegna fjölda ­erlendra kvenna sem þar búa og eru sóttar reglu­lega að kvöldi til. Eftir ábend­ingar nágranna fylgd­ist blaða­maður með hús­inu eina kvöld­stund og líkt og nágrannar töl­uðu um voru þrjár konur sóttar rétt fyrir klukkan níu á fimmtu­dags­kvöldi og þær keyrðar niður í mið­borg Reykja­víkur.

Íbúar í nágrenni við Hrísa­teig 14 segj­ast hafa orðið varir við eitt og annað sem hefur valdið þeim áhyggjum. Einn seg­ist hafa séð þrettán fáklæddar konur koma að hús­inu í sendi­bíl seint að nóttu. „Þær voru þannig klæddar að ég sá að þetta var ekki eðli­legt, svo ég fór að fylgj­ast með þessu og ræddi það við nágranna minn. Þegar við bárum saman bækur okkar sáum við að þetta virð­ist vera mjög skipu­lagt. Þær fara alltaf út á milli átta og níu á kvöldin og eru þá sóttar á nokkrum bílum,“ segir hann.

Annar tók í sama streng og sagð­ist hafa veitt því eft­ir­tekt þegar verið var að sækja kon­urnar. Sá sagð­ist hafa gengið fram hjá hús­inu og séð inn, þar hafi konur reykt í tómu her­bergi. 

Fáklæddar Myndin var tekin af Facebook-síðu eins starfs­manns Shooters.

Lýsingar þriðja nágrann­ans voru í svip­uðum dúr. „Þetta er allt skipu­lagt,“ segir hann og full­yrðir að ástæða sé til að hafa áhyggjur. „Ég hef haft áhyggjur af þeim. Maður sér þær koma út og karl­arnir sem sækja þær fara ekk­ert vel með þær,“ segir hann.

Konurnar sem verið sé að sækja séu ekki alltaf þær sömu. Þar til nýlega hafi þær yfir­leitt verið sóttar í sjö manna bíl en nú hafi það breyst. „Þeir fóru að koma á þremur til fjórum bílnum. Einu sinni kom kona hlaup­andi út. Hún var sein fyrir og var skilin eftir. Síðan, þegar þeir komu aftur, keyrði mað­ur­inn næstum því á hana og hellti sér yfir hana,“ segir nágrann­inn sem vildi ekki láta nafns síns getið.