Marta María segir gest­ina eig­in­lega skipta mestu máli þegar kemur að því að tryggja að partí heppn­ist vel, en það sé þó auð­vitað nauð­syn­legt að vera skipu­lagður og hugsa fyrir öllu.

„Það sem mér finnst skipta mestu máli er að það sé góð stemn­ing. Hana er fyrst og fremst hægt að búa til með því að bjóða skemmti­leg­asta fólki sem þú þekkir. Þegar búið er að setja saman gesta­list­ann þarf að huga að veit­ingum. Ég er mjög hrifin af ein­fald­leik­anum og að hafa þetta þannig að það sé ekki mjög mikið álag á partí­hald­ar­anum sjálfum og að hann geti notið sín – sé ekki hlekkj­aður við elda­vél­ina á meðan hinir skemmta sér. Ef það er gott veður finnst mér skipta máli að hafa eina „inni­stöð“ og eina „úti­stöð“. Þar að segja að það séu veit­ingar inni en það sé líka eitt­hvað að ger­ast úti. Grill eða eitt­hvað slíkt skapar alltaf góða stemn­ingu. Ég hef skipu­lagt mikið af teitum fyrir fólk í gegnum tíð­ina og þetta hefur alltaf virkað mjög vel.“