Charmaine Butler er kona á fimm­tugs­aldri og kemur frá Bahama­eyjum. Enska er hennar móð­ur­mál, en eftir níu ára dvöl á Íslandi skilur hún íslensku ágæt­lega og talar smá­vegis. Hún hafði unnið við ýmis­legt frá því hún kom til Íslands, meðal ann­ars á Land­spít­ala og í ferða­þjón­ustu, þegar hún fékk vinnu við aðhlynn­ingu á hjúkr­un­ar­heim­il­inu Fells­enda í Dölum. „Ég kunni vel við vinn­una og vildi sækja mér þekk­ingu og menntun í fag­inu,“ segir Charmaine, sem í kjöl­farið skráði sig í sjúkra­liða­nám við Fjöl­brauta­skóla Vest­ur­lands á Akranesi. 

Hún seg­ist hafa kunnað vel við námið í fyrstu og fund­ist það bæði áhuga­vert og skemmti­legt. Hún fékk leyfi til að taka prófin á ensku, en síð­asta haust var hins vegar tekin ákvörðun um að hún myndi fram­vegis þurfa að borga 15 þús­und krónur fyrir þýð­ing­una á hverju prófi. Charmaine átti að taka alls fimm próf á síð­ustu haustönn og hefði því þurft að greiða alls 75 þús­und krónur fyrir önn­ina, en fyrir ein­stak­ling í lág­launa­starfi er það dágóður pen­ingur. 

Svöruðu ekki spurningum um gjaldtöku

Guðrún Vala Elís­dóttir, náms- og starfs­ráð­gjafi hjá Símennt­un­ar­mið­stöð­inni á Vest­ur­landi, aðstoð­aði Charmaine í kjöl­farið við að skrifa bréf til skól­ans þar sem þessu gjaldi var mót­mælt. „Fleiri nem­endur þurfa sér­staka aðstoð í námi, til