Helga Aðalsteinsdóttir, kennari á Ísafirði, hefur verið vikum saman heima í veikindaleyfi vegna verkfalla. Hún er með góðkynja heilaæxli sem veldur síþreytu og því að hún getur ekki sinnt starfi sínu sem grunnskólakennari. Til stóð að skera burt hluta af æxlinu í apríl en verkföll heilbrigðisstétta hafa valdið því að hún kemst ekki í aðgerðina. Hún hefur áður farið í sambærilega aðgerð og náði þá fljótlega styrk. Vikum saman hefur hún verið í veikindaleyfi og beðið þess að vera kölluð inn í aðgerðina sem er einföld og getur tryggt að hún komist aftur í vinnuna. Helga hefur ritað samningamönnum BHM og ríkisins opið bréf á bloggsíðu sinni vegna þessa. Þar lýsir hún aðstæðum sínum og biður þá um að semja. 

„Ég er orðin mjög þreytt á að vera haldið í gíslingu, langar til að geta tekið þátt í samfélaginu og stundað mína vinnu… en það er smá vesen á mér, sko smá bilun í kerfinu og ég ekki alveg í lagi og þarfnast „smá“ viðgerðar á Lansanum... átti sko að fara í aðgerð í mars sem var frestað fram í apríl m.a. vegna uppsafnaðs vanda eftir læknaverkfall svo nú er ég enn að bíða og bíða og bíða....,“ skrifar hún. 

„Ég er orðin mjög þreytt á að vera haldið í gíslingu, langar til að geta tekið þátt í samfélaginu og stundað mína vinnu.“

Helga segir að hún væri trúlega komin í vinnu aftur ef allt væri eðlilegt og aðgerðin hefði verið gerð í maí. Biðinni fylgi líka mikið andlegt álag og óvissa um það hvort núverandi ástand leiði til varanlegs skaða. 

„...Veit nefnilega alveg hvað bíður mín ef ég fæ ekki viðeigandi læknisþjónustu... Mjög skert lífsgæði og örorkubætur vegna sjónskerðingar