Á sama tíma og Hillary Clinton á í harðri bar­áttu við Donald Trump hefur hún þurft að berj­ast fyrir til­nefn­ingu demókrata á móti sjö­tugum þing­manni frá ysta vinstri­jaðri banda­rískra stjórn­mála. 

Forval repúblik­ana og demókrata hefur komið á óvart og heldur áfram að koma á óvart á loka­sprett­inum, en óvin­sældir helstu fram­bjóð­enda vekja upp spurn­ingar um hvort lýð­ræð­is­lega ferlið sé að virka.

Óvinsælustu frambjóðendur sögunnar

Hillary Rodham Clinton er óvin­sæl­asti for­seta­fram­bjóð­andi í sögu Banda­ríkj­anna. Að einum aðila und­an­skildum, keppi­naut hennar Donald Trump.

Í nýlegri könnun fyr­ir­tæk­is­ins PublicPolicyPolling sem tekin var á land­vísu kom í ljós að Donald Trump fór meira í taug­arnar á Banda­ríkja­mönnum heldur en hip­sterar, tann­bor­anir, bif­reiða­eft­ir­litið og kvið­dóms­skylda. Svar­endur í könn­un­inni höfðu Trump þó í hærri metum heldur en gyllinæð og kakka­lakka, en ein­ungis tæp­lega. Donald Trump er líka óvin­sæl­asti fram­bjóð­andi til for­seta í sögu Banda­ríkj­ana (að minnsta kosti síðan mæl­ingar hófust), 61% aðspurðra höfðu nei­kvæða ímynd af honum. Viðhorf Banda­ríkja­manna til Hillary ættu þó að vekja spurn­ingar og áhyggjur á meðal stuðn­ings­manna hennar. 55% Banda­ríkja­manna líta hana nei­kvæðum augum, en bæði Trump og Clinton eru á svip­uðu róli þegar það kemur að jákvæðum, 34% líta Donald jákvæðum augum og 36% Hillary. Þessar tölur minna örlítið á vin­sældir George Bush undir lok síns kjör­tíma­bils, við byrjun árs 2009 töldu 61% Banda­ríkja­manna hann vera slæman for­seta og 34% hann góðan en þá var hann á botni vin­sælda sinna.

Aukið vantraust á stjórnmálum

Senni­lega er það aðeins við­eig­andi að óvin­sæl­ustu for­seta­fram­bjóð­endur í Banda­ríkj­unum komi fram á tíma sem traust á stjórn­málum er í lág­marki. Einungis 19% Banda­ríkja­manna treysta stjórn­völdum sam­kvæmt Pew-research könn­un­ar­fyr­ir­tæk­inu sem rann­sakað hefur slíka töl­fræði ára­tugum saman. Þegar mælin