Þessi grein birtist upphaflega í Stundinni fyrir meira en 9 árum.

Flestir fjölmiðlar með fulltrúa í glæsilegri boðsferð WOW

Tug­ir fjöl­miðla­manna fóru í boðs­ferð WOW-air til Washingt­on um helg­ina. RÚV sendi ekki full­trúa. Var­að var við sam­bæri­leg­um ferð­um í Rann­sókn­ar­skýrslu Al­þing­is um efna­hags­hrun­ið. WOW er seg­ir að kostn­að­ur­inn hafi ver­ið greidd­ur af flug­vell­in­um.

Flestir fjölmiðlar með fulltrúa í glæsilegri boðsferð WOW
Skúli Mogensen Eigandi Wow-air í lest með blaðamönnum í boðsferð flugfélagsins um helgina. Mynd: Instagram.

Flugfélagið WOW air fór jómfrúarferð sína til Washington BWI flugvallar síðastliðinn föstudag og bauð meðal annars blaðamönnum með í för. Samkvæmt heimildum Stundarinnar samanstóð dagskráin meðal annars af kvöldskemmtun þar sem Skúli Mogensen framkvæmdastjóri WOW flutti ávarp, heimsókn í bandaríska þingið og kokteilboði hjá Geir H. Haarde sendiherra Íslands í Bandaríkjunum. 

Fulltrúar frá flestum stærri fjölmiðlum landsins fóru í ferðina og má þar til dæmis nefna fréttamennina Þorbjörn Þórðarson og Þórhildi Þorkelsdóttur frá 365 miðlum, Mörtu Maríu Jónasdóttur blaðakonu frá Morgunblaðinu, Hörð Ægisson viðskiptaritstjóra frá DV, Eddu Hermannsdóttur aðstoðarritstjóra hjá Viðskiptablaðinu og Þórunni Elísabetu Bogadóttur aðstoðarritstjóra hjá Kjarnanum. 

Stundin sendi fyrirspurn á RÚV og spurði hvort fréttastofa Ríkissjónvarpsins hefði átt fulltrúa í ferðinni. Í svari frá Rakel Þorbergsdóttur, fréttastjóra, segir að fréttastofan hafi ekki fengið boð frá WOW og að enginn fulltrúi frá þeim væri í ferðinni. „Fréttastofan hefur haft það sem reglu síðustu ár að þiggja ekki boð í sambærilegar ferðir,“ segir Rakel jafnframt. 

Fjölmiðlakonur
Fjölmiðlakonur Þórunn Elísabet Bogadóttir aðstoðarritstjóri Kjarnans, Edda Hermannsdóttir aðstoðarritstjóri Viðskiptablaðsins og Þórhildur Þorkelsdóttir fréttakona hjá 365 miðlum.

Flugvöllurinn borgaði

„Alltaf þegar ný flugfélög koma, sérstaklega alþjóðleg, býður flugvöllurinn flugfélögum að bjóða blaðamönnum að koma í svona ferð. Svo það var flugvöllurinn sem borgaði ferðina – ekki WOW air – og skipulagði alla ferðina,“ segir Svanhvít Friðriksdóttir, upplýsingafulltrúi WOW air, í samtali við Stundina en WOW byrjaði að fljúga til Baltimore Washington International flugvallar síðastliðinn föstudag. 

Að sögn Svanhvítar bauð WOW öllum íslenskum fjölmiðlum í ferðina, auk dönskum, frönskum, breskum og hollenskum fjölmiðlum. Alls þáðu um þrjátíu blaðamenn boðið. Aðspurð hvort ferðinni fylgi einhver skilyrði af hálfu fjölmiðlafólks segir Svanhvít: „Nei. Þetta er bara nákvæmlega eins og þegar fjölmiðlum er boðið á blaðamannafund, þú ræður nákvæmlega hvað þú gerir með það.“

Óþarflega mikið vináttusamband

Í rannsóknarskýrslu Alþingis um aðdraganda og orsakir falls íslensku bankanna 2008 er þáttur fjölmiðla tekinn fyrir í sérstökum kafla. Niðurstaða greiningarinnar er sú að íslenskir fjölmiðlar hafi brugðist hlutverki sínu í aðdraganda hrunsins. Þá hafi sumir viðskiptafréttamenn vingast úr hófi fram við þá sem þeim var ætlað að fjalla um. „Að einhverju leyti stafaði þessi linkind fréttamanna gagnvart viðskiptamönnum af því að myndast hafði óþarflega mikið „vináttusamband við umfjöllunarefnið“. Þessi nánu tengsl sköpuðust sumpart með því að viðskiptafréttamenn tóku þátt í kynningarferðum þar sem „alls kyns menn úr viðskiptalífinu [...] voru með í för og það var hægt að spjalla við þá óformlega í einhverjum kokteilum“,“ segir meðal annars í skýrslunni. Þá er haft eftir Sigmundi Erni Rúnarssyni, sem þá var yfir fréttasviði Stöðvar 2, að honum hafi ofboðið hvað sumir viðskiptafréttamenn „voru svona innviklaðir í [...] samkvæmislíf“ útrásarvíkinga. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár