Stundin greindi frá því í lok maí að erlendir verka­menn frá Póllandi, flestir far­and­verka­menn sem hingað komu til lands í apríl til þess að starfa fyrir Icelandair Ground Services, dótt­ur­fé­lag Icelandair, væru að greiða sjö­falda húsa­leigu í fjöl­býl­is­húsi sem fyr­ir­tækið keypti sér­stak­lega fyrir starfs­menn­ina á Ásbrú í Reykja­nesbæ. Um var að ræða átta fer­metra her­bergi með aðgangi að sam­eig­in­legu bað­her­bergi og eld­húsi auk þess sem fata­skápur, rúm­lega fer­meter, fylgdi hverju her­bergi.

„Það var í raun lítið sem ég gat gert fyrir þá þar sem allar þær íbúðir sem félagið mitt hefur til umráða eru í útleigu.“

Aðeins nokkrum metrum frá leigja Íslend­ingar svipuð her­bergi, í öðru fjöl­býl­is­húsi, en þau eru tölu­vert stærri og leigan tölu­vert lægri. Þannig greiða Íslend­ingar 72.000 krónur fyrir 55 fer­metra þar sem þeir hafa sér­bað­her­bergi og sér­eld­hús. Fer­metra­verð Íslend­ing­anna eru því rúmar 1300 krónur á meðan fer­metra­verð erlendu verka­mann­anna er rúm­lega 8.000 krónur. Slíkt leigu­verð á fer­metra, um og yfir átta þús­und krónur á fer­metra, er með því hæsta sem finnst á Íslandi, ef ekki það hæsta.

Þýdd og dreift meðal verkamanna

Samkvæmt heim­ildum var frétt Stund­ar­innar þýdd yfir á pólsku og henni dreift á meðal þeirra 150 Pólverja sem her­bergin leigja. Mikil óánægja var með málið hjá þessum erlendu verka­mönnum sem fóru saman í hópum í leit að ódýr­ara leigu­hús­næði í Reykja­nesbæ. Ein­hverjir fengu íbúðir á svæð­inu en eftir því sem Stundin kemst næst er leigu­mark­að­ur­inn í bæj­ar­fé­lag­inu ekki upp á marga fiska og lausar leigu­í­búðir því af afar skornum skammti.

Stundin ræddi við eig­anda fast­eigna­fé­lags í Reykja­nesbæ sem stað­festi við Stundina að fjöl­margir starfs­menn IGS hefðu sett sig í sam­band við hann og spurt um lausar leigu­í­búðir. Þeir hafi fengið að vita það í gegnum íslenska fjöl­miðla að þeir væru að greiða allt of háa leigu miðað við það sem gengur og ger­ist og vildu út: „Það var í raun lítið sem ég gat gert fyrir þá þar sem allar þær íbúðir sem félagið mitt hefur til umráða eru í útleigu.“

Hann seg­ist hafa bent þeim á að nota leit­ar­síður á net­inu auk þess sem hægt væri að kanna aug­lýs­ingar í hér­aðs­blöðum.

Eftir því sem Stundin kemst næst er dótt­ur­fé­lag Icelandair í við­ræðum um kaup á þriðja fjöl­býl­is­hús­inu á Kefla­vík­ur­flug­velli en ekki er vitað hvort flótti verka­mann­anna hafi áhrif á þær áætl­anir.