Einar Mikael afþakkaði styrkinn: „Ég varð orðlaus þegar ég kom heim“

Töfra­mað­ur­inn Einar Mikael seg­ist ekki hafa tekið á móti 550 þús­und króna mark­aðs­rann­sókn­ar­styrk sem honum var úthlutað í fyrra. Þetta kemur fram í yfir­lýs­ingu frá honum. Það er þó ekki hægt að segja að hann hafi afþakkað styrk­inn af hug­sjóna­á­stæðum, hann sótti vissu­lega um styrk­inn en afþakk­aði þar sem hann hætti við verk­efnið. Einar Mikael hefur tjáð sig mikið und­an­farna daga um lista­manna­laun sem hann er mjög mót­fall­inn. Hann hefur hvatt almenn­ing til að snið­ganga rit­höf­unda ef þeir afsöl­uðu sér ekki lista­manna­launum. „Það verður að segj­ast eins og er að ég varð orð­laus þegar ég kom heim í gær og fór yfir fréttir dags­ins. Þrír íslenskir vef­miðlar höfðu birt fréttir sem sam­an­stóðu af full­yrð­ingum um mig sem ekki er fótur fyrir,“ segir Einar Mikael í yfir­lýs­ingu sinni.

Blogg­ar­inn Agnar Kr. Þor­steins­son greindi frá því í gær á vef Stund­ar­innar að Einar Mikael hafi fengið 550 þús­und kr. styrk frá Nýsköp­un­ar­mið­stöð Íslands í fyrra til að kanna mögu­leika hans til útrásar í töfra­mennsku til Bret­lands. Þetta kemur fram á heima­síðu Nýsköp­un­ar­mið­stöðv­ar­innar. „Kannski ætti Einar Mikael að líta í eigin barm áður en hann hvetur til þess að vinna ann­ars fólks sé snið­gengin vegna þess að það sótti um styrki vegna vinnu sinnar. Það yrði alla­vega heið­ar­legra heldur en að hann reyni þá list að dreifa athygli fólks í burtu frá spurn­ingum um hvers vegna hann sé ekki sam­kvæmur sjálfum sér. Sjón­hverf­ingar töfra­m­anna virka nefni­lega ekki alltaf,“ skrif­aði Agnar í gær.

Í kjöl­far blogg­færslu Agnars birtu bæði Nútíminn og DV fréttir um styrk­veitng­una. Báðir miðlar sögðu í fréttum sínum að ítrekað hafi verið reynt að ná tali af Einari Mikael án árang­urs. Töfra­mað­ur­inn hafnar því hins vegar í yfir­lýs­ingu sinni. „Það var ekk­ert „mis­sed call“ á sím­anum mínum né heldur skila­boð frá hlut­að­eig­andi á Facebook eða tölvu­póstur. Það voru ekki gerðar til­raunir til að ná af mér tali!,“ skrifar Einar Mikael.