Árið 2014 voru þrír aðilar ráðnir í stöðu aðjúnkts við íslensku- og menn­ing­ar­deild í Háskóla Íslands. Allir þrír aðil­arnir tengj­ast ýmist þáver­andi deild­ar­for­seta eða for­seta Hug­vís­inda­sviðs fjöl­skyldu­böndum. Aðjúnkt­arnir eru Heiða Jóhanns­dóttir, sem er mág­kona Ástráðs Eysteins­sonar, for­seta Hug­vís­inda­sviðs, Björn Þór Vil­hjálms­son, sem er svili Ástráðs, og Alda Björk Valdi­mars­dóttir, sem er eig­in­kona Guðna Elís­sonar, þáver­andi deild­ar­for­seta.

Ástráður Eysteins­son Forseti Hug­vís­inda­sviðs lýsti sig van­hæfan við ráðn­ingu aðjúnkta í fyrra.

Hermann Stef­áns­son skáld vakti fyrst athygli á mál­inu í pistli á Kjarn­anum. „Talaði ein­hver um með­virkni kunn­ingja­sam­fé­lags­ins? Þetta er  hreinn brand­ari. Háskóla­deild þar sem helm­ingur starfs­fólks er skyldur og vensl­aður. Hvar sem er í heim­inum væri slík deild orðin að almennu athlægi,“ skrif­aði hann í grein sinni.

Stundin ræddi við núver­andi deild­ar­for­seta íslensku- og menn­ing­ar­deild, Svein Yngva Egilsson, og full­yrðir hann að bæði Guðni og Ástráður hafi vikið frá allri aðkomu að ráðn­ingu fjöl­skyldu­með­lima þeirra. Athygli vekur að báðir gerðu það strax við gerð aug­lýs­ingar á stöð­unum. Eig­in­kona Guðna var nýverið ráðin í lekt­ors­stöðu við skól­ann í kjöl­far þess að hún lauk við dokt­ors­próf.