Listamaðurinn David Bowie er látinn eftir baráttu við krabbamein, 69 ára gamall.

Bowie var fjölhæfur, og starfaði sem söngvari og lagahöfundur, en einnig sem framleiðandi og leikari, á ferli sem spannaði rúmlega fjóra áratugi. Hann gaf út sína 25. og jafnramt síðustu plötu á afmælisdaginn sinn, 8. janúar, síðasta föstudag, sem einnig var afmælisdagurinn hans.

Daginn fyrir afmælið, síðasta fimmtudag, sendi Bowie frá sér sitt síðasta myndband. Það ber heitið Lazarus, og sýnir Bowie liggjandi í einskonar sjúkrarúmi með bundið fyrir augun.

Í textanum við lagið syngur Bowie um að hann sé á himnum, að hann sé í svo mikilli vímu að hann heilinn í honum hringsnúist, en minnist einnig á að brátt verði hann frjáls:

Lazarus

Look up here, I’m in heaven

I’ve got scars that can’t be seen

I’ve got drama, can’t be stolen

Everybody knows me now

Look up here, man, I’m in danger

I’ve got nothing left to lose

I’m so high it makes my brain whirl

Dropped my cell phone down below

Ain’t that just like me

By the time I got to New York

I was living like a king

Then I used up all my money

I was looking for your ass

This way or no way

You know, I’ll be free

Just like that bluebird

Now ain’t that just like me

Oh I’ll be free

Just like that bluebird

Oh I’ll be free

Ain’t that just like me

Lazarus rís upp frá dauðum

Söguna um Lazarus er að finna í Jóhannesarguðspjalli. Lazarus, var sagður einn af fylgjendum Jesúsar. Systur hans sendu skilaboð til Jesúsar umað Lazarus væri veikur, en í staðinn fyrir að ferðast strax til hans beið Jesús vísvitandi í tvo daga áður en hann lagði af stað.

Þegar Jesús kemur á staðinn er Lazarus látinn, og hefur verið í grafhvelfingu sinni í fjóra daga. Jesús ræðir við systur Lazarusar, og ávíta þær hann fyrir að hafa ekki komið fyrr. Svarar Jesús þá með sinni frægu yfirlýsingu: „Ég er upprisan og lífið; sá sem trúir á mig, mun lifa, þótt hann deyi og hver sá, sem lifir og trúir á mig, hann skal aldrei að eilífu deyja.“ Síðar segir sögumaður frá því með einfaldri lýsingu að „Jesús grét“​.

Ásamt hópi af syrgjandi gyðingum fer Jesús að grafhvelfingunni. Þrátt fyrir mótmæli Mörtu, systur Lazarusar, lætur Jesús velta steininum frá inngangi hvelfingarinnar, og fer með bæn. Hann kallar svo á Lazarus og koma út, og Lazarus hlýðir, enn vafinn í líkklæði. Jesús biður um að hann sé færður úr þeim, og honum svo sleppt.

Vert er að minnast þess að Lazarus er, fyrir utan Jesús, eina persóna Biblíunnar sem rís upp frá dauðum.

Hér má lesa stutta yfirferð Stundarinnar um feril Bowie.