Kjartan Hreinn Njálsson, frétta­maður á Stöð 2, er nýr aðstoð­ar­rit­stjóri á Frétta­blað­inu. Kjartan mun starfa við hlið Ólafar Skafta­dóttur, undir stjórn móður hennar, Krist­ínar Þor­steins­dóttur. 

Miklar svipt­ingar hafa átt sér stað á fjöl­miðla­mark­aði und­an­farna mán­uði, auk þess sem miklar breyt­ingar hafa orðið á stjórn­un­ar­stöðum Frétta­blaðs­ins. 

Andri Ólafsson lét af störfum sem aðstoð­ar­rit­stjóri á Frétta­blað­inu í síð­asta mán­uði. Andri hafði þá gegnt starf­inu frá því í ágúst í fyrra, þegar hann tók við af Fanneyju Birnu Jóns­dóttur.

Fanney Birna, sem nú stýrir Silfrinu á RÚV, hætti ásamt fjölda fólks í ábyrgð­ar­stöðum á Frétta­blað­inu, skömmu eftir að aðal­rit­stjór­inn þurfti að svara fyrir ein­elt­is­mál gegn ljós­mynd­ara. Málið hafði þær afleið­ingar að starfs­menn sendu opið bréf á Sævar Frey Þrá­ins­son for­stjóra, Ingi­björgu Pálma­dóttur stjórn­ar­for­mann og Kristínu Þor­steins­dóttur rit­stjóra, þar sem upp­sögn Pjeturs Sig­urðs­sonar, yfir­manns á ljós­mynda­deild, var mót­mælt. Starfs­menn­irnir sögðu fram­göngu Krist­ínar og yfir­stjórnar fyr­ir­tæk­is­ins óásætt­an­lega og að hún hefði skaðað traust innan fyr­ir­tæk­is­ins. …