Þyrlufyrirtæki kaupsýslu­mann­anna sem stóðu að fjárfest­ing­ar­félaginu Sundi á árun­um fyrir hrunið hefur skilað 160 milljóna króna hagnaði á síðustu tveimur árum. Fyrirtækið heitir Norðurflug og er stærsta og þekktasta þyrlu­leiga landsins. Eigendur Norður­flugs eru meðal annars þeir Páll Þór Magnússon, fyrrverandi fram­kvæmdastjóri Sunds, Páll Kristjánsson og Birgir Ómar Haralds­son sem allir voru hluthafar og/eða stjórnarmenn í Sundi á sínum tíma fyrir hrunið.  Þetta kemur fram í ársreikningi fyrirtækisins fyrir árið í fyrra. 

Greiddu ekkert fyrir Norðurflug 

Hluthafar Norðurflugs greiddu hins vegar ekki neitt fyrir 2/3 hluta hlutafjár í fyrirtækinu þegar þeir keyptu hlutabréfin út úr Sundi ehf., síðar Icecapital ehf., í desember árið 2008, skömmu eftir hrunið. Sund stefndi þá í gjaldþrot og höfðu þáverandi eigendur félagsins, sem síðar eignuðust Norðurflug, aukið hlutafé Norðurflugs með peningum frá Sundi samkvæmt skiptastjóra