Fyrrum lands­liðs­mark­vörð­ur­inn Ólafur Gott­skálks­son var fluttur í skyndi af með­ferð­ar­stofn­un­inni Vogi á bráða­mót­töku Land­spít­al­ans á laug­ar­dag vegna inn­vortis blæð­inga í kjöl­far hand­töku hans nokkrum dögum fyrr.

Stundin greindi frá því 25. júlí að lög­reglan á Suð­ur­nesjum hefði stöðvað för öku­manns sem var undir áhrifum með ungt barn í far­þega­sæti bif­reiðar með því að aka tvisvar sinnum í hlið hans. Þetta gerð­ist í íbúða­hverfi í Reykja­nesbæ. Bif­reið­arnar, bæði lög­reglu­bif­reiðin og bif­reið öku­manns­ins sem var á flótta, voru illa farnar eftir árekstrana.

Sprungið dekk Lög­reglu­bif­reiðin sem notuð var til þess að keyra utan í Ólaf Gott­skálks­son var tölu­vert klesst auk þess sem dekk sprakk.

Á leiðinni með barnið á leikskóla

Nokkrum dögum seinna steig Ólafur Gott­skálks­son, fyrrum atvinnu­maður í knatt­spyrnu og lands­liðs­mark­vörður, fram í útvarps­við­tali í Bítinu á Bylgj­unni og við­ur­kenndi að hafa verið sá sem ók bif­reið­inni. Hann var á leið­inni með barnið sitt á leik­skóla þennan morgun.

„Börnin voru færð til fóst­ur­for­eldra á vegum barna­verndar en var ekki boðin áfalla­hjálp“

„Ég tók af skarið og tók dreng­inn með mér út í bíl. Leik­skól­inn er í ein­hverri 700 metra fjar­lægð frá hús­inu, fimm beygjur og við erum mætt. Á leið­inni sér lög­reglan mig og er þá búin að fá til­kynn­ingu frá aðila í Keflavík að það gæti eitt­hvað verið að honum Óla. Þeir voru að fylgj­ast með mér. Ég er beð­inn um að stöðva, en tek þá afdrifa­ríku ákvörðun að stöðva ekki. Ég næ því ekki enn í dag. Ég er 48 ára gam­all og þetta hef ég aldrei áður á ævinni gert,“ sagði Ólafur meðal ann­ars í við­tal­inu þar sem hann fór meðal ann­ars stutt­lega yfir þennan hræði­lega heim sem hann hefur lifað og hrærst í und­an­farin ár.

Stöðva för með því að keyra utan í bifreiðina

Lög­reglu­menn á Suð­ur­nesjum taka þá ákvörðun að reyna að stöðva för hans með því að aka utan í hlið bif­reið­ar­innar sem Ólafur ók. Þetta gerðu þeir í tvígang: „Ég læt ekki segj­ast. Ég veit ekki hvað slær saman í höfð­inu á mér. Ég vil bara kom­ast heim og stöðva fyrir framan húsið mitt. Þar stöðva ég og þeir hand­taka mig.“

„Ólafur var með brotið rif­bein og inn­vortis blæð­ingar í kringum nýrun.“

Samkvæmt heim­ildum Stund­ar­innar vilja þeir sem standa Ólafi næst meina að lög­reglu­menn á Suð­ur­nesjum hafi beitt óþarfa harð­ræði þegar hann var hand­tek­inn. Lög­reglu­menn hafi beitt kylfum þegar þeir hand­tóku hann þrátt fyrir að hann hafi ekki sýnt neinn mót­þróa. Þá hafi þeir einnig beitt á hann kylfum eftir að Ólafur var kom­inn í hand­járn.

Samkvæmt sömu heim­ildum er til mynd­skeið af hand­tök­unni en börn Ólafs urðu vitni að henni en hún átti sér stað fyrir utan heim­ili hans, þangað sem Ólafur ók með lög­regl­una á eftir sér. Börnin voru færð til fóst­ur­for­eldra á vegum barna­verndar en var ekki boðin áfalla­hjálp á vegum fag­fólks. Þau eru nú komin til ætt­ingja Ólafs og eig­in­konu hans.

Bifreið Ólafs Var illa farin eftir flótt­ann en lög­reglan keyrði tví­vegis inn í hlið bif­reið­ar­innar en fimm ára gam­alt barn Ólafs var með honum.

Snýr aftur í meðferð

Meint harð­ræði lög­regl­unnar er talið hafa orðið til þess að Ólafur rif­beins­brotn­aði og hlaut inn­vortis blæð­ingar.

Ólafur, með hjálp góðra vina úr knatt­spyrn­unni, komst í með­ferð hjá SÁÁ og var hann lagður inn 4. ágúst síð­ast­lið­inn. Tveimur dögum seinna var hann fluttur í skyndi með sjúkra­bif­reið frá Vogi og á bráða­mót­tök­una á Lands­spít­al­anum. Samkvæmt heim­ildum Stund­ar­innar kom í ljós við skoðun og mynda­tökur að Ólafur var með brotið rif­bein og inn­vortis blæð­ingu í kringum nýrun. Blæð­ing­arnar hafa valdið sýk­ingum sem nú er verið að með­höndla af læknum en hann verður mun snúa aftur í með­ferð að því loknu.