Bæjarfulltrúar þiggja 45 prósenta launahækkun vegna þess að „Alþingi hyggst ekki breyta ákvörðun kjararáðs“

Bæj­ar­stjórn Hafn­ar­fjarðar sam­þykkti með sex atkvæðum gegn fjórum á fundi í vik­unni að aft­ur­kalla tíma­bundna frestun á launa­breyt­ingum og þiggja þannig 45 pró­senta launa­hækkun.

Þiggja þeir hækk­un­ina á þeim grund­velli að ljóst sé orðið að Alþingi ætli ekki hnekkja ákvörðun Kjara­ráðs um hækkun þing­far­ar­kaups.

Fram kemur í fund­ar­gerð bæj­ar­stjórnar að full laun fyrir störf í bæj­ar­stjórn séu í dag 199 þús­und krónur á mán­uði en vegna ákvörð­unar kjara­ráðs muni launin hækka upp í 286 þús­und krónur. 

Á fundi bæj­ar­stjórnar lögðu full­trúar Sjálf­stæð­is­flokks­ins og Bjartrar fram­tíðar fram svohljóð­andi bókun: 

Nú er ljóst að Alþingi mun ekki breyta ákvörðun kjara­ráðs frá 1. nóv­em­ber 2016 um hækkun á þing­far­ar­kaupi. Um ára­bil hafa kjörnir full­trúar í Hafn­ar­firði sjálfir ákvarðað laun sín en það fyr­ir­komu­lag verður að telj­ast mjög óeðli­legt og óheppi­legt. Í júní 2016 birti Samband íslenskra sveit­ar­fé­laga við­mið­un­ar­launa­töflu fyrir full­trúa í sveit­ar­fé­lögum lands­ins þar sem miðað er við þing­far­ar­kaup. Í kjöl­farið ákvað bæj­ar­ráð Hafn­ar­fjarðar að launa­þróun kjör­inna full­trúa sveit­ar­fé­lags­ins skyldi tekin úr höndum þeirra sjálfra, fylgja fram­vegis þing­far­ar­kaupi og um leið verða ákvörðuð af kjara­ráði eins og víðar er gert í bæj­ar­fé­lögum. Með vísan til þess að Alþingi hyggst ekki breyta ákvörðun kjara­ráðs mun bæj­ar­stjórn Hafn­ar­fjarðar nú fylgja eftir fyrri ákvörðun, að miða laun sín við þing­far­ar­kaup og þar með ákvarða ekki sjálf laun sín.

Síð­ast­liðin átta ár hafa laun kjör­inna full­trúa í Hafn­ar­firði ekki haldið í við almenna launa­þróun og dreg­ist jafnt og þétt aftur úr launa­þróun starfs­manna sveit­ar­fé­laga og munar þar núna um 45%. Full laun fyrir störf í bæj­ar­stjórn eru núna 199 þús. kr. á mán­uði. Með ákvörðun kjara­ráðs hækka launin því og verða um 286.000 kr. á mán­uði. Full laun fyrir störf í almennu ráði hjá bæj­ar­fé­lag­inu eru um 90 þús. kr. á mán­uði. Með ákvörðun kjara­ráðs verða laun fyrir setu þar nú um 129.600 kr. á mán­uði.

Bæj­ar­full­trúar minni­hlut­ans, Adda María Jóhanns­dóttir auk full­trúa Sam­fylk­ing­ar­innar og Vinstri grænna, lýstu furðu yfir að ekki væri hægt að bíða eftir nið­ur­stöðum starfs­hóps um starfs­um­hverfi og kjör bæj­ar­full­trúa:

Full­trúar Sam­fylk­ingar og Vinstri grænna óska bókað. Þann 1. des­em­ber sl. var skip­aður starfs­hópur í bæj­ar­ráði, sem í eiga sæti full­trúar allra flokka í bæj­ar­stjórn Hafn­ar­fjarðar. Samkvæmt erind­is­bréfi er eitt meg­in­verk­efni starfs­hóps­ins að end­ur­skoða starfs­um­hverfi kjör­inna full­trúa hjá Hafn­ar­fjarð­arbæ og þar á meðal launa­kjör. Hópurinn á að skila nið­ur­stöðu 1. febr­úar 2017, sem er eftir tæpar 2 vikur. Bæj­ar­full­trúar Sam­fylk­ing­ar­innar og Vinstri grænna lýsa furðu yfir því að ekki sé hægt að bíða eftir nið­ur­stöðu starfs­hóps­ins.

Í ljósi fyrri athuga­semda okkar gagn­vart hækkun Kjara­dóms á þing­fara­kaupi förum við fram á að starfs­hóp­ur­inn fái að ljúka sinni vinnu og end­ur­skoðun á launum kjör­inna full­trúa hjá Hafn­ar­fjarð­arbæ.

Mynd: Wikimedia / Zinneke (CC license)

Þann 29. októ­ber síð­ast­lið­inn ákvað Kjararáð að hækka laun þing­manna um 45 pró­sent eða sem nemur 338 þús­und krónum á mán­uði. Mikil umræða skap­að­ist um málið og kom upp ákall um að Alþingi myndi reyna að hnekkja úrskurði Kjara­ráðs með laga­setn­ingu. Það var ekki gert.

Haft var eftir Benedikt Jóhann­essyni, núver­andi fjár­mála­ráð­herra og þáver­andi for­manni efna­hags- og við­skipta­nefndar Alþingis, milli jóla og nýárs að ólík­legt væri að Alþingi myndi hrófla við úrskurði kjara­ráðs, enda hefði kjara­ráð þar „ein­fald­lega verið að leið­rétta alls konar inn­grip und­an­far­inna ára“. 

Eins og Stundin hefur fjallað um hafa þing­menn hækkað mun meira í launum en almennir laun­þegar á und­an­förnum árum. Árið 2013 voru laun þing­manna 630.024 krónur og hafa þau því hækkað um 74,8 pró­sent á rúm­lega þremur árum. Launa­vísi­tala, sem sýnir almenna launa­þróun, hefur hins vegar aðeins hækkað um 28,9 pró­sent á sama tíma­bili.