Arnþrúður lék Indverja í beinni: „Curry curry curry“

Leik­ar­inn og skemmti­kraft­ur­inn Stefán Karl Stef­áns­son segir Útvarp Sögu fara alltof oft með rangt mál og hag­ræði sann­leik­anum sér og sínum mál­stað í hag. Hann hafi oft­ast húmor fyrir þessum „táfýlu­sokkum sam­fé­lags­ins“ en að umræða þeirra Arn­þrúðar Karls­dóttur og Péturs Gunn­laugs­sonar hafi farið yfir öll vel­sæm­is­mörk í morgun þegar útvarps­stýran lék Indverja í beinni útsend­ingu og lét út úr sér orðin „Curry curry curry.“

Stefán Karl Stef­áns­son Þolir ekki þá hat­ursum­ræðu, ein­elti og ras­isma sem hann segir við­gang­ast á Útvarpi Sögu

Blöskraði umræðan í útvarpinu

„Mér blöskr­aði að heyra þetta. Ég hlusta mikið á útvarp en þó sjaldn­ast á Útvarp Sögu og er það af ýmsum ástæðum. Meðal ann­ars vegna þess að hat­ursum­ræða táfýlu­sokka sam­fé­lags­ins er ekki mjög upp­byggi­leg og sjaldn­ast mál­efna­leg,“ segir Stefán Karl í sam­tali við Stundina. Hann ætl­aði ekki að trúa sínum eigin eyrum þegar hann heyrði umræð­una um frí­versl­un­ar­samn­ing­inn TiSA.

„Útvarp Saga er að mínu mati stöð sem allt of oft fer bein­línis með rangt mál og hag­ræðir sann­leik­anum sér og sínum mál­stað í hag. Slík umræða er vissu­lega eitt­hvað sem er ergj­andi að hlusta á en oft­ast hef ég þó húmor fyrir því. Ég hef þó ekki húmor fyrir því þegar verið er að meiða vís­vit­andi og þegar kyn­þátta­hatur og ras­ismi er við­hafður eins og í morgun.“

Hlógu saman að leiktilburðum Arnþrúðar

En hvað sagði Arn­þrúður og af hverju? Við skulum kíkja á það sem Arn­þrúður og Pétur ræddu í morgun. Arn­þrúður var nýbúin að telja upp nokkur ríki sem taka þátt í samn­inga­við­ræð­unum, meðal ann­ars Ísland þegar Pétur grípur inn í.

Pétur: „Eru ekki fleiri en þessi ríki sem þú taldir upp. Eru ekki önnur ríki í Asíu sem eru þarna inni í þessu. Hvað með Ind­verj­ana og Kín­verj­ana?“

Arn­þrúður: „Jaaa, ég skal nú ekki um það segja um Ind­verj­ana en það eru alla­vega, jújú, það eru Asíuríki sem hafa lýst sig viljug til að sam­þykkja þetta og þetta þýðir það í raun og veru þetta eru aðal­lega stór­fyr­ir­tækin og þarna aftur erum við komin að því, þarna erum við aftur komin að Panama-skjöl­unum. Það eru fjár­magns­eig­endur og stór­fyr­ir­tæki sem þrýsta gríð­ar­lega á…“

Pétur: „Alþjóð­leg stór­fyr­ir­tæki“

Arn­þrúður: „Já ég er að meina það. Ég er svo stór­tæk að ég get ekki talað um annað en í alþjóða sam­hengi. Jæja gott og vel. Þetta eru stór­fyr­ir­tækin og þau hérna vilja sko nýjar þjón­ustu­greinar, tækni- og þjón­ustu­greinar sem falla sjálf­krafa undir samn­ing­inn og það þýðir að ef þeir koma hingað til dæmis til Íslands þá mega þeir taka allt vinnu­aflið með sér.“

Pétur: „Já, það er nú það sem þeir gera.“

Arn­þrúður: Það er stóra málið.

Pétur: „Þannig að ef þeir ætla að koma upp karrý­verk­smiðju hérna Ind­verjarnir þá koma þeir bara með nokkur þús­und Indverja með sér.“

Arn­þrúður: „Curry, curry, curry. Það er svona curry-dáldið…“

(Hlæja saman)

Pétur: „Svo ef ein­hver gagn­rýnir þetta þá er hann bara ras­isti eða ein­hver…“

(Arn­þrúður grípur inn í)

Arn­þrúður: „Það hlýtur að vera á Útvarpi Sögu.“

Pétur: „Hlýtur að vera..“

Arn­þrúður: „Það er alveg pott­þétt“

(Hlæja saman aftur)

Hún er ekki Halli og þá síður Laddi

Stefáni Karli þykir mál­flutn­ing­ur­inn and­styggi­legur. „Arn­þrúður Karls­dóttir er ekki Halli og þá síður Laddi og því flokk­ast hún seint sem ein­hver skemmti­kraftur eða eft­ir­herma og ef hlustað er á sam­hengi þess sem til umræðu var þá er þetta það sem kall­ast hrein­rækt­aður ras­ismi og þjóð­ern­is­hyggja því þau voru að ræða það að hingað komi bara útlend­ingar og taki öll störf, karrý­verk­smiður rísa og ein­tómir ind­verjar flytji hingað til lands og svo fram­vegis,“ segir hann.

„Já þetta er and­styggi­legur mál­flutn­ingur sem sæmir engum nema svona táfýlu­sokkum.“