Fjármunum hins opinbera varið til enn frekari auglýsingakaupa – framsetning talna sögð villandi

For­sæt­is­ráðu­neytið heldur áfram að verja almannafé til kaupa á heil­síðu­aug­lýs­inga­plássum í dag­blöðum þar sem áherslu­mál rík­is­stjórn­ar­innar eru aug­lýst. Í aug­lýs­ingu sem birt­ist í Frétta­blað­inu í gær er vakin athygli á útgjalda­liðum hins opin­bera og full­yrt að mestu sé „varið í vexti, vel­ferð og heil­brigði“. Þá kemur fram að vegna nið­ur­greiðslu á skuldum hins opin­bera og lækk­unar vaxta­kostn­aðar skap­ist nú „tæki­færi til að lækka skatta og álögur á almenn­ing eða fjár­festa frekar í vel­ferð, menntun og innviðum“. 

Fram­setn­ingin í aug­lýs­ing­unni hefur vakið athygli, en þar eru vextir, ábyrgðir og líf­eyr­is­skuld­bind­ingar sýnd líkt og um sé að ræða einn og sama útgjalda­lið­inn. Þórólfur Matth­í­as­son, hag­fræði­pró­fessor við Háskóla Íslands, bendir á það á Facebook að óvenju­legt er að flokka líf­eyr­is­greiðslur með vaxta­greiðslum. Gylfi Magn­ús­son, dós­ent í við­skipta­fræði við Háskóla Íslands, tekur í sama streng í sam­tali við Stundina.

„Það er vill­andi að horfa bara á vaxta­út­gjöld án þess að skoða vaxta­tekjur rík­is­ins og aðrar eigna­tekjur sömu­leiðis. Vaxta­gjöldin eru að hluta til svona há vegna þess að ríkið hefur á und­an­förnum árum lagt veru­legt fé inn í fjár­mála­fyr­ir­tæki, sér­stak­lega Lands­bank­ann, og tekið lán til að byggja upp gjald­eyr­is­vara­sjóð,“ segir Gylfi