Helgi Sigurðsson, skopmyndateiknari Morgunblaðsins, teiknar í dag upp dystópíska framtíð þar sem afleiðingar þess að taka á móti fimm þúsund flóttamönnum eru orðnar ljósar. Á myndinni er gægst inn á öldrunarheimili þar sem aldraðir hálfpartinn svelta, því einungis er í boði hálfur skammtur af vatnssúpu. Í ramma uppi á vegg segir að móttaka fimm þúsund hælisleitenda hafi haft í för með sér hundrað milljarða kostnað fyrir ríkið, en þar er vitnað í orð Vilhjálms Bjarnasonar, þingmanns Sjálfstæðisflokksins. Hann sagðist í Útvarpi Sögu fyrr í vikunni sjálfur áætla að móttaka hvers flóttamanns kosti um fimmtán til tuttugu milljónir, þannig að móttaka fimm þúsund flóttamanna kosti ríkið um hundrað milljarða eða sem nemur nýjum Landspítala.
Helgi var harðlega gagnrýndur fyrir skopteikningu sína síðastliðinn þriðjudag sem sýndi sökkvandi skip í blóðrauðum sjó. Flóttamennirnir um borð í bátnum, sem var merktur Sýrlandi, ákölluðu Eygló Harðardóttur, félags- og húsnæðismálaráðherra, með sömu orðum og Bryndís Björgvinsdóttir, rithöfundur, gerir á Facebook vettvangi sem þegar hefur vakið heimsathygli. Titill myndarinnar var jafnframt „Helferðartúrismi ákallar hin blæðandi hjörtu“. Mörgum þótti myndin afar ósmekkleg og sagði Páll Valur Björnsson, þingmaður Bjartrar framtíðar, hana Morgunblaðinu til ævarandi skammar. „Hversu lágt er hægt að leggjast í sorpblaðamennsku? Ég tel að neðar sé ekki hægt að fara. Þessi mynd sem á að kallast skopmynd er ekkert annað en viðbjóður og Morgunblaðinu og eigendum þess til ævarandi skammar,“ sagði hann meðal annars.
Aðrir komu Helga til varnar. Brynjar Níelsson, þingmaður Sjálfstæðisflokksins, sagði að fólkið sem hafði mikla þörf á að tjá ást sína á Charlie Hebdo væri nú „froðufellandi af reiði vegna skopmyndar í Mogganum“. Þá sagði hann þetta fólk hafa litla ást á tjáningarfrelsi og
Athugasemdir