Rúmlega fimm þúsund manns hafa skrifað nafn sitt á undirskriftarlista þar sem þess er krafist að hjónunum Saad og Fadilu, ásamt börnum þeirra Hanif og Jónínu, verði ekki vísað frá Íslandi. Vinkona fjölskyldunnar, Morgane Priet-Maheo, mun afhenda undirskriftirnar í innanríkisráðuneytinu klukkan þrjú í dag. Líkt og Stundin greindi frá var brottvísun fjölskyldunnar frestað í síðustu viku eftir að barnavernd greip inn í málið. Elín Árnadóttir, lögmaður fjölskyldunnar, segir stöðu fjölskyldunnar engu að síður óbreytta og brottvísun enn yfirvofandi. „Það hefur ekkert verið dregið til baka, þrátt fyrir tilkynningu innanríkisráðuneytisins um að það eigi að endurskoða verklag,“ segir Elín, en í kjölfar fréttaflutnings af máli fjölskyldunnar sendi innanríkisráðuneytið frá sér yfirlýsingu þar sem kom meðal annars fram að ráðuneytið hafi þegar hafið skoðun á því hvort þörf sé á að bæta verklag þegar börn eigi í hlut „svo tryggt sé að hagsmunir barna séu ávallt hafðir í fyrirrúmi og að alþjóðlegar …