Karlmanni á fertugsaldri var ráðinn bani skömmu fyrir miðnætti í gærkvöldi í austurborginni. Tilkynning um málið barst lögreglu klukkan 23:57 í gærkvöldi að því er segir í tilkynningu sem lögreglan sendi fjölmiðlum nú síðdegis. Samkvæmt tilkynningu frá lögreglunni fundust áverkar eftir skotvopn á líki mannsins. Þar segir enn fremur að einn sé í haldi lögreglunnar vegna málsins og að rannsókn sé í algjörum forgangi hjá embættinu.
Í annarri tilkynningu sem lögreglan sendi fjölmiðlum skömmu fyrir hádegi í dag var sagt frá því að lögreglan hefði verið kölluð að húsi í austurborginni um miðnætti í gærkvöldi vegna tilkynningar um slasaðan karlmann sem var þar utan við húsið. „Endurlífgunartilraunir hófust strax á vettvangi og í kjölfarið var maðurinn fluttur á Landspítalann, en var úrskurðaður látinn skömmu eftir komuna þangað. Maðurinn var á fertugsaldri,“ segir í tilkynningunni.
Í frétt Vísis segir að karlmaður á fertugsaldri hafi verið handtekinn í Garðabæ vegna aðildar að málinu. Þar segir einnig að ekki hafi verið unnt að fá viðtal við lögreglu, enda málið á viðkvæmu stigi. Samkvæmt tilkynningum frá lögreglunni verða frekari upplýsingar sendar fjölmiðlum þegar rannsókn málsins vindur fram.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.


















































Athugasemdir