Þeir eru pínu forvitnilegir þeir Jürgen Mossack og Ramón Fonseca. 

Faðir Jürgen, Erhardt var SS-foringi, harður nasisti en líka einn af þeim sem var náðaður og fékk nýjan starfsframa á vegum CIA. Hann er líkt og karakter úr skáldsögu eftir Graham Greene. Erhardt flytur með fjölskyldu sinni frá Þýskalandi til Kúbu og loks til Panama á vegum CIA.

Frá Panama skrifar Erhardt skýrslur til CIA um kommúnistastjórnina á Kúbu og vinnur eflaust ýmis verk fyrir þau í miðameríku. Á meðan vex sonur hans úr grasi og fer í lögfræðinám.

Samstarfsfélagi Jurgens, hann Ramón er hinsvegar innfæddur Panamabúi. Hann ætlaði sér í æsku að gerast prestur, en lærði þess í stað lögfræði. Ramón Fonseca hefur skrifað ótal skáldsögur, og vann til bókmenntaverðlauna Panama fyrir Dans fiðrildana og Draumaborgina.

Spurning hvort það ætti að bjóða honum á bókmenntahátíð? Án vafa er eitthvað framsýnt forlag þegar búið að tryggja sér þýðingarréttinn á bókum hans.

 Myndir í boði wikimedia og Jandrade97.