Sérfræðingar ráðuneyta vöruðu Sigríði ítrekað við

Stundin birtir í dag gögn sem sýna að sér­fræð­ingar þriggja ráðu­neyta vör­uðu Sigríði Á. Andersen ítrekað við því að breyt­ingar á lista dóm­nefndar um Lands­rétt­ar­dóm­ara gætu verið brot gegn stjórn­sýslu­lögum.

Sigríður Á. Andersen er dómsmálaráðherra.
Sigríður Á. Andersen er dóms­mála­ráð­herra. Mynd: Birgir Þór Harðarson


Ef dóms­mála­ráð­herra ákveður að til­nefna aðra í dóm­ara­emb­ætti en dóm­nefnd um hæfi umsækj­enda hefur mælt með þá liggur öll ábyrgð hjá ráð­herr­anum varð­andi ákvörð­un­ina. Ef hann ætlar að gera slíkar breyt­ingar þá verður að rök­styðja hverjir séu hæf­astir enda er verið að ganga gegn lög­bund­inni nefnd sem á að meta hæfi og er þegar búin að skila áliti sínu. Við slíkar aðstæður vakna upp spurn­ingar um rann­sókn­ar­skyldu og and­mæla­rétt og ljóst að fylgja þarf ákvæðum stjórn­sýslu­laga.

Þetta kemur fram í gögnum úr dóms­mála­ráðu­neyt­inu sem Stundin birtir í dag. Gögnin, sem eru m.a. tölvu­póstar og drög af því bréfi sem Sigríður Á. Andersen dóms­mála­ráð­herra sendi Alþingi þegar hún ákvað að víkja frá mati dóm­nefndar við til­nefn­ingu á 15 dóm­urum við Lands­rétt, eiga það öll sam­eig­in­legt að vera dag­sett áður en Sigríður sendi bréf sitt með breyt­ing­unum til Alþingis. Í þeim kemur skýrt fram að sér­fræð­ingar í dóms­mála­ráðu­neyt­inu og fjár­mála­ráðu­neyt­inu gerðu athuga­semdir við, rök­stuðn­ing Sigríðar í mál­inu og bentu ítrekað á að máls­með­ferðin væri ófull­nægj­andi sam­kvæmt stjórn­sýslu­lögum.

Sigríður lagði samt sem áður fram bréfið og lagði til að fjórir dóm­arar sem dóm­nefndin hafði talið á meðal 15 hæf­ustu yrðu ekki skip­aðir, en fjórir aðrir sem dóm­nefndin taldi ekki á meðal þeirra hæf­ustu, yrðu skip­aðir í þeirra stað.

Tveir þeirra, Jóhannes Rúnar Jóhanns­son og Ástráður Har­alds­son, sem fjar­lægðir voru af list­anum höfð­uðu mál gegn íslenska rík­inu vegna þessa og í des­em­ber komst Hæsti­réttur að þeirri nið­ur­stöðu að Sigríður hafi brotið gegn ákvæðum stjórn­sýslu­laga með athæfi sínu. Hinir tveir menn­irnir sem dóm­nefnd hafði talið á meðal 15 hæf­ustu, Eiríkur Jónsson og Jón Hösk­ulds­son, hafa báðir kraf­ist miska­bóta og við­ur­kenn­ingu á bóta­skyldu rík­is­ins vegna ólög­mæts athæfis dóms­mála­ráð­herra.

Birta gögn um samskipti þriggja ráðuneyta

Á meðal þeirra gagna sem birt eru í Stund­inni í dag er tölvu­póstur frá Helga Valberg Jenssyni, lög­fræð­ingi og þá sér­fræð­ingi hjá kjara- og mannauðs­sýslu fjár­mála­ráðu­neyt­is­ins, til tveggja lög­fræð­inga hjá ann­ars vegar for­sæt­is­ráðu­neyt­inu og hins vegar dóms­mála­ráðu­neyt­inu. Ragn­hildur Arn­ljóts­dóttir, ráðu­neyt­is­stjóri for­sæt­is­ráðu­neyt­is­ins, fékk líka tölvu­póst­inn, sem er dag­settur 16. maí. Þar segir m.a. að öll ábyrgðin á ákvörðun um að breyta frá lista dóm­nefndar sé hjá dóms­mála­ráð­herra og að ef hún ætli að leggja málið fyrir þingið eins og það líti út á þessum tíma þá þurfi að fara fram mat. „Ef ráð­herra ætlar að leggja þetta breytt fyrir þingið, þá þarf ráð­herra að leggja sjálf­stætt mat á alla umsækj­endur, út frá þeim sjón­ar­miðum sem hún leggur til grund­vallar.“

Þann 26. maí sendi Sigríður tölvu­póst til tveggja lög­fræð­inga með drögum að bréfi sínu um til­lögu að skipun dóm­ara við Lands­rétt. Í athuga­semdum sem þeir gera við bréfið, og eru birtar í umfjöllun Stund­ar­innar, kemur meðal ann­ars fram að ef ráð­herr­ann ætlar sér að taka ein­hverja út af lista dóm­nefndar og setja aðra inn á hann í stað­inn, þá þurfi að rök­styðja það „sér­stak­lega með vísan til hæfni þeirra og starfs­fer­ils.“

Síðasta gagnið sem er birt í Stund­inni er síðan tölvu­póstur frá Helga Valberg til lög­fræð­ings innan for­sæt­is­ráðu­neyt­is­ins og ráðu­neyt­is­stjóra þess ráðu­neytis, sem þá var undir stjórn Bjarna Bene­dikts­sonar.

Þar er enn og aftur varað við því að ef Sigríður ætl­aði að leggja til önnur nöfn en dóm­nefndin þá myndu vakna upp „spurn­ingar um rann­sókn­ar­skýrslu og and­mæla­rétt. Ákvörðun ráð­herra að skipa dóm­ara og síðan að leggja til mögu­lega ný nöfn við Alþingi er stjórn­valds­á­kvörðun og því þarf að fylgja ákvæðum stjórn­sýslu­laga. Ef menn eru í vafa hvort umrædd ákvörðun sé stjórn­valds­á­kvörðun, þá ættum við að fara með ákvörð­un­ina sem slíka.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

6
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár