Kjartan Bjarni Björgvinsson héraðsdómari mun með liðsinni Kristínar Benediktsdóttur dósent við lagadeild Háskóla Íslands framkvæma óháða úttekt á málum Braga Guðbrandssonar og samskiptum hans við barnaverndarnefndir Reykjavíkur og Hafnarfjarðar.
Katrín Jakobsdóttir forsætisráðherra ákvað að þessi úttekt færi fram en hún er unnin að ósk Ásmundar Einars Daðasonar félagsmálaráðherra.
Í tilkynningu frá forsætisráðuneytinu kemur fram að í úttektinni verði farið yfir fyrirliggjandi gögn málsins og málsmeðferð viðkomandi stjórnvalda, það er þeirra barnaverndarnefnda sem tengjast viðkomandi málum, Barnaverndarstofu og velferðarráðuneytis.
Niðurstaða úttektarinnar mun liggja fyrir í byrjun júní. Henni verður skilað til ríkisstjórnar og í kjölfarið birt opinberlega.
Stundin birti á föstudag umfjöllun þar sem fram kom að Bragi hafi beitt sér fyrir því að maður fengi að umgangast dætur sínar sem hann var grunaður um kynferðisbrot gegn.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.














































Athugasemdir